मन्त्री श्रेष्ठद्धारा हेटौँडा–१३ स्थित पदमपोखरी प्रहरी चौकीको भवन उदघाटन 

फोटोः बागमती प्रदेश प्रहरी कार्यालय

२९ भदौ,हेटौँडा । हेटौँडा उपमहानगरपालिका वडा नम्बर–१३ पदमपोखरीमा निमार्ण भएको प्रहरी चौकी पदमपोखरीको भवन उदघाटन गरिएको छ । बागमती प्रदेश सरकारका आन्तरिक मामिला तथा कानून मन्त्री गंगानारायण श्रेष्ठले शुक्रबार एक समारोहका बिच उक्त प्रहरी चौकीको नव–निर्मित भवनको उदघाटन गरेका हुन् । 

उदघाटन समारोहलाई सम्बोधन गर्दै मन्त्री श्रेष्ठले विज्ञान र प्रविधिको जमानामा प्रहरीहरुले पनि सोही अनुरुप अन्तराष्ट्रिय तहको विज्ञान प्रविधिको प्रयोग गर्न जरुरी रहेको बताएका छन् । मन्त्री श्रेष्ठले अहिलेको प्रहरीको क्षमतालाई गुणात्मक ढगले वृद्धि गर्दै लैजाने प्रतिवद्धता व्यक्त गर्दै देशका प्रहरीहरुलाई नागरिक मैत्री बनाउने कुरामा प्रदेश सरकार लागीरहेको उल्लेख गरेका छन् । उदघाटन कार्यक्रममा सामाजिक विकास मन्त्री कुमारी मोक्तान, मन्त्रालयका उपसचिव दीपक प्रसाद न्यौपाने, प्रमुख जिल्ला अधिकारी सुर्य प्रसाद सेढाई, प्रहरी नायव महानिरीक्षक किरण राणा, हेउनपा १३ का वडा अध्यक्ष पेम्बा लामा मकवानपुर प्रहरी प्रमुख सीताराम रिजाल लगायतको उपस्थिति रहेको थियो । बागमती प्रदेश सरकार आन्तरिक मामिला तथा कानून मन्त्रालयको २ करोड २६ लाख १५ हजार १ सय १७ रुपैया बजेटमा १ कठ्ठा ९ धुर क्षेत्रफलमा महिला पुरुष अलग अलग हिरासत कक्ष, महिला व्यारेक, कार्यालय प्रमुख निवास सहित ३ तल्ले प्रहरी चौकीको निर्माण भएको हो ।