हेटौँडामा शिक्षकले जलाए शिक्षा विधेयक–२०८०

२९ भदौ,हेटौँडा । मकवानपुरका सामुदायीक विद्यालयमा कार्यरत शिक्षकहरुको हकहित विपरित भएको भन्दै हेटौँडामा शिक्षा विधेयक–२०८० जलाएका छन् । संसदमा दर्ता भएको विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक २०८०’ नेपाल शिक्षक महासंघको नेतृत्वमा बागमती प्रदेशको राजधानी हेटौँडामा शुक्रबार साझ जलाइएको हो ।
भुटनदेवी माध्यमिक विद्यालयबाट सुरु भएको शिक्षकहरुले रयालीले हेटौँडाको मुख्यचोक बुद्धचोकमा पुगेर शिक्षा विधेयक–२०८० जलाएको थिए । २०२८ सालमा आएको शिक्षा ऐन भन्दा पनि नितान्त प्रतिगामी भएको भन्दै प्रस्तावित शिक्षा विधेयक फिर्ता गर्न माग गदै उत्तःm विधेयक जलाइएको नेपाल शिक्षक महासंघ मकवानपुरका सचिव राजु गौतमले बताएका छन् । विरोध कार्यक्रममा प्रहरीले हस्तक्षेप गरेको गौतमले आरोप लगाएका छन् । 
सरकार, सांसद, विभिन्न दलहरुसँग पटक पटक छलफल कुराकानी भएपनि आश्वासन मात्रै दिएको महासंघसँगको छलफलमा ‘सरकारसँग ५१ र ३० वुँदे सम्झौता गरेका थियौं । तर सम्झौता गरिएका ति मागहरु ऐनमा आएनन्, पुरानै ऐन यताउता गरेर ल्याइएको छ । जुन शिक्षकको हकहित विपरित छ,,त्यस कारण यो विधेयक काम छैन भनेर जलाएका हौ नेपाल शिक्षक महासंघ मकवानपुरका अध्यक्ष जिदराज ढकालले बताए । कार्यक्रममा विभिन्न शिक्षक निकट संघ संगठन, नेपाल राहत शिक्षक समितिका शिक्षकहरुको ठुलो संख्याका उपस्थिती रहेको थियो । प्रहरी हस्तक्षेपका कारण केही समय बुद्धचोक अशान्त बनेको थियो ।