बागमती प्रदेश सभाको बैठक आज बस्दै

file photo

३० भदौ, हेटौंडा । बागमती प्रदेश सभाको स्थगित गरिएको शुक्रबारको बैठक आज शनिवार बसदै छ । हिजो शुक्रबार बिशेष कारणले बैठक बस्न नसक्ने भन्दै सूचना टाँस गरेर स्थगित गरिएको थियो।
बैठक आज शनिबार बिहान ११ बजे बस्ने प्रदेश सभा सचिवालयका प्रवक्ता मनोज गुप्ताले जानकारी दिएका छन् ।
यसअघि गत गत २४ गते बसेर स्थगित गरिएको बैठक शुक्रबार दिउँसो १ बजेसम्मका लागि बोलाइएको थियो । प्रवक्ता गुप्ताले प्रदेश सभाका सभामुख भुवनकुमार पाठकको निर्देशनमा शुक्रबारको बैठक शनिबार सारिएको हो । 
प्रवक्ता गुप्ताले शनिबारको बैठकमा विशेष समयको कार्यसूची रहेको र भदौ २४ गते बसेको प्रदेश सभा बैठकमा पेस भएका चारवटा विधेयकलाई संसदीय समितिमा पठाउने जाकारी दिए ।
२४ गते बसेको प्रदेश सभा बैठकमा विज्ञान, प्रविधि, नवप्रवर्तन तथा विकास कोष सञ्चालन सम्बन्धमा व्यवस्था गर्न बनेको विधेयक, स्वास्थ्य सेवा ऐन २०७५ लाई संशोधन गर्न बनेको विधेयक २०८० र प्रदेश कृषि विकास सम्बन्धमा व्यवस्थापन गर्न बनेको विधेयक पेस भएका थिए । बैठकमा पेस भएका विधेयकमा सैद्धान्तिक छलफलसमेत भएको थियो ।
प्रवक्ता गुप्ताले शनिबारको बैठकमा शोक प्रस्तावको कार्यसूचीसमेत रहेको जानकारी दिए । उनले संविधानसभा अध्यक्ष एवं संघीय संसद्का सदस्य सुवासचन्द्र नेम्वाङको निधनप्रति शोक प्रस्ताव पारित गरेर बैठक स्थगित हुन सम्भावना रहेको बताए ।