ल हेर्नुस् शिक्षकको लापरबाही

कक्षा ६ को सामाजिक अध्ययन तथा जनसंख्या बिषयको त्रुटी भएको प्रश्न पत्र

९ पुस, हेटौँडा । काठमाडौको पूर्वा क्षेत्र संयुक्त विद्यालय समितिले संचालन गरेको परिक्षाको प्रश्न पत्रमा हदै सम्मो कालापरबाही भेटिएको छ । आईतबारको अन्नपुर्ण पोष्ट दैनिकले यो विषयको समाचार प्रकाशीत  गरेको छ ।  

काठमाडौको पूर्वा क्षेत्र पर्ने विद्यालय परीक्षामा प्रश्नपत्र निर्माणका लागि एकै ठाउँमा जम्मा भएका ४९ वटा सामुदायिक विद्यालयका शिक्षकले  तयार पारेको प्रश्न पत्रमा, ‘दसैंमा के के गरिन्छ’ लाई अंग्रेजीमा ‘ह्वाट इज कन्फ्ल्टि’ भनेर अनुवाद गरेका छन् ।
सुन्दा पत्याउन नसकिने यो रोचक घटना काठमाडौंमा सञ्चालित पूर्वी क्षेत्रका अधिकांश सामुदायिक विद्यालयमा देखिएको हो । कक्षा ६ को सामाजिक अध्ययन तथा जनसंख्या शिक्षा विषयको पूरै प्रश्नपत्रमा नेपालीमा सोधिएका प्रश्न र त्यसको अंग्रेजी उच्चारणमा आकाश जमिनको भिन्नता देखिएको छ । तर, यस विषयमा न जिल्ला शिक्षा कार्यालय काठमाडौंलाई जानकारी छ न त माध्यमिक तहसम्मको शिक्षा हेर्ने अधिकार पाएको स्थानीय तहलाई नै !
नेपाली विषयको पहिलो प्रश्नको ‘क’ नम्बरमा नेपालीमा सोधिएको छ, ‘गाविस भनेको के हो ? ’ तर यसलाई अंग्रेजीमा भनिएको छ, ‘हाउ मेनी लेभल अफ गभर्नमेन्ट आर देअर इन फेडरल गभर्मेन्ट सिस्टम ? ’ त्यस्तै अर्को प्रश्न नेपालीमा सोधिएको छ, ‘मानव बेचविखन भनेको के हो ? ’ यसलाई अंग्रेजीमा सोधिएको छ, ‘ह्वाट इज द फुल फर्म अफ एटिएम ? यसरी अघिल्लो वर्षको हुबहु प्रश्न सोध्ने जिल्ला शिक्षा अधिकारी र प्रश्न बनाउने शिक्षकलाई सामान्य स्पष्टीकरण गरेर छाडिएको थियो ।