प्रदेश सभामा दुईवटा समितिको बैठक बस्यो

१७ असोज, हेटौंडा । मंगलबार बागमती प्रदेशसभाका दुईवटा बिषयगत समितिहरुको बैठक बसेको छ । मंगलबार प्रदेश मामिला समिति र शिक्षा स्वास्थ्य तथा कृषि समितिको बैठक बसेको हो । 
प्रदेश मामिला समितिका जेष्ठ सदस्य शिवराज अधिकारीको अध्यक्षतामा बसेको बैठकले समितिको कार्यविधिका बिषयमा छलफल गरेको छ । 
समितिका सभापति अधिकारीले मंगलबारको बैठकमा समितिको कार्यविधिका सम्बन्धमा छलफल सुरु भएको जानकारी दिए । उनले समितिको बैठक केहिदिनमा पुनः बसेर कार्यविधि पास गर्ने बताए । 
यस्तै मंगलबार बागमती प्रदेशसभामा रहेको शिक्षा, स्वास्थ्य तथा कृषि समितिको बैठक पनि बसेको छ । बैठक समितिकी जेष्ठ सदस्य मिना पराजुली पोखरलेको अध्यक्षतामा बसेको हो । 
बैठकले समितिको कार्यविधि पास गरेको अध्यक्ष पोखरेलले जानकारी दिईन् । यस्तै समितिको मंगलबारको बैठकमा प्रदेशसभाबाट दफावार छलफलका लागी समितिमा आएको प्रदेश कृषि विकास सम्बन्धमा व्यवस्था गर्न बनेको विधेयकमाथी सामान्य छलफल भएको अध्यक्ष पोखरेलले बताईन् । 
उनका अनुसार बैठकमा कृषि तथा पशुपन्छी विकासमन्त्री डा. राजेन्द्रमान श्रेष्ठले विधेयक ल्याउँनुपर्नाका कारण बारे बैठकमा जानकारी गराएका थिए । यस्तै विधेयकमाथी भएको छलफलका क्रममा उठेका प्रश्को समेत मन्त्री श्रेष्ठले जवाफ दिएको अध्यक्ष पोखरेलले बताईन् । 
शिक्षा, स्वास्थ्य तथा कृषि समितिको अर्को बैठक असोज १८ गते विहान ८ बजेका लागी बोलाइएको पनि अध्यक्ष पोखरलेलले जानकारी दिइन् ।