थाहानगरमा पहिलो पटक नगर प्रहरी 

२० असोज, हेटौंडा । मकवानपुरको उत्तरी क्षेत्रस्थित थाहा नगरपालिकाले पहिलो पटक नगरप्रहरी भर्ना गरेको छ । नगरप्रहरी सेवा सञ्चालन सम्बन्धी कार्यविधि २०८० अनुसार थाहाले नगर प्रहरी भर्ना गरेको हो । 
स्थानीय तहले आफ्नो छुट्टै गाउँ तथा नगर प्रहरी भर्ना गर्न पाउने अधिकारअन्तर्गत थाहा नगरपालिकाले पनि कार्यविधि निर्माण गरि नगरप्रहरी भर्ना गरेको उपमेयर भरत गोपालीले जानकारी दिए । 
उपमेयर गोपालीका अनुसार नगरपालिकाले एकजना सहायक नगर प्रहरी निरीक्षकसहित २ जना हवल्दार र ७ जवान गरी १० जना नगर प्रहरी भर्ना गरेको छ ।
बिहीबार एक कार्यक्रमकाबिच नगरप्रहरीहरुलाई नगरपालिकाका मेयर बिष्णुबहादुर विष्टले पद तथा गोपनियताको सपथ खुवाएका थिए भने प्रमुख प्रशासकीय अधिकृत कृष्ण गिरीले दज्र्यानी चिन्ह र उप–प्रमुख भरत गोपालीलले प्रमाणपत्र प्रदान गरेका थिए । 
लिखित, मौखिक र शारीरिक परीक्षा पास भएका नगरप्रहरीहरुलाई इलाका प्रहरी कार्यालय पालुङले १० दिने आधारभुत प्रहरी प्रशिक्षण तालिम दिएपछि नगरपालिकाले बिहीबार जिम्मेवारी प्रदान गरिएको उपमेयर गोपालीले बताए । 
उपमेयर गोपालीले नगरप्रहरीले बजार अनुगमत तथा व्यवस्थापन, छाडा चौपाय नियन्त्रण, सार्वजनिक जग्गा संरक्षण तथा नगरभित्र भैपरी आउँने आपतकालिन उद्धारको जिम्मेवारी सम्हाल्ने जानकारी दिए ।