भानु माविको वार्षिकोत्सव

भीमसेन पौडेल
११ पुस, हेटौँडा । मकवानपुरगढी–३ मक्रान्चुलीमा रहेको भानु माध्यमिक विद्यालयले आफ्नो ३९ औं वार्षिकोत्सव मंगलवार मनाएको छ । वार्षिकोत्सव कार्यक्रममा विद्यालयका प्रधानाध्यापक धु्रवकुमार भुजेलले विद्यालयको शैक्षिक प्रतिवेदन प्रस्तुत गरेका थिए ।
कार्यक्रममा कक्षागत रुपमा प्रथम, द्वितिय र तृतिय हुने विद्यार्थी, अतिरिक्त क्रियाकलापमा उत्कृष्ट, विषयगत रुपमा उत्कृष्ट, अनुशासित, सरसफाई, विषयगत शिक्षक, पत्रकार लगायतलाई पुरस्कृत गरिएको थियो । मकवानपुरगढी गाउँपालिकाका अध्यक्ष विदुर हुमागाईको प्रमुख आतिथ्यता एवम् विद्यालयका अध्यक्ष खिलप्रसाद चौलागाईको अध्यक्षतामा कार्यक्रम भएको थियो ।
कार्यक्रममा मकवानपुरगढी गाउँपालिकाका शिक्षा प्रमुख टिका गौतम, चण्डीका मावि श्रोत केन्द्रका श्रोत व्यक्ति जनकराज पन्त, रानी सामुदायिक वनका अध्यक्ष कृष्णबहादुर विडारी, मनकामना दुग्ध उत्पादक सहकारीका अध्यक्ष तेजप्रसाद लम्साल, हिमाल महिला सहकारीकी अध्यक्ष जानुका दाहाल, शारदा माविका प्रधानाध्यापक सुमन खनाल, विद्यालयका पूर्वअध्यक्ष शिवदयाल यादव, मिनप्रसाद लामिछाने, कृष्णप्रसाद पोखरेल,गोपालप्रसाद संजेल, चन्दादाता हर्क रम्तेल, शिक्षक रामशरण सापकोटा लगायतकाले मन्तव्य व्यक्त गरेका थिए ।
२०२६ सालमा स्थापना भएको यो विद्यालयमा हाल नर्सरी देखि कक्षा १२ सम्म पढाई भैरहेको छ ।