अञ्जु पन्तदेखि माग्ने बुढासम्म हेटौँडा आउने

१२ पुस, हेटौँडा । नेपालका ख्याति प्राप्त कलाकारहरु आफ्नो प्रस्तुतिका लागि हेटौँडा आउने भएका छन् । हेटौँडामा हुन लागेको म्युजिकल नाईटका लागि संगीत, चलचित्र र हास्य विधासंग सम्बन्धी कलाकारहरु हेटौँडा आउने भएका हुन् । 
नेपाल उद्योग बाणिज्य महासंघ अन्तरगतको चलचित्र तथा मनोरञ्जन फोरमले आयोजना गर्न लागेको म्युजिकल नाईटमा चर्चित गायिका अञ्जु पन्तदेखि हाँस्य कलाकार केदार घिमिरेसम्मका कलाकारहरु आउने बुधबार हेटौँडामा भएको पत्रकार सम्मेलनमा जानकारी दिईएको थियो । 
कार्यक्रममा बोल्दै फोरमका सभापति एवं चलचित्रकर्मी आकाश अधिकारीले चलचित्र उद्योगको प्रवद्र्धनसंगै प्राकृतिक प्रकोपमा उद्धारका लागि महासंघमा कोष बनाउने उद्देश्यले कार्यक्रम गर्न लागेको बताए । अधिकारीका अनुसार हेटौँडा रिगल रिसोर्टमा हुने तीन घण्टाको कार्यक्रममा कलाकारहरु आकाश अधिकारी, निरुता सिंह, स्वेता खड्का, निता ढुंगाना, एसराज गराच, हाँस्य कलाकार जितु नेपाल मुन्द्र्रे, केदार घिमिरे माग्ने बुढा, गायक राजनराज शिवाकोटी, युवराज चौलागाई, गायिका अञ्जु पन्तसहितका कलाकाहरुले आप्mनो प्र्रस्तुति दिनेछन् । 
नेपाल उद्योग बाणिज्य महासंघका उपाध्यक्ष उमेशलाल श्रेष्ठको प्रमुख आतिथ्यतामा भएको पत्रकार सम्मेलनमा महासंघका कार्यसमिति सदस्य एवं मकवानपुर उद्योग बाणिज्य संघका अध्यक्ष राजकुमार न्यौपाने, अरुणराज सुमार्गी, फोरमका उपसभापति नरेन्द्र्र महर्जन, बस्तुगत समिति सभापति सुमित केडिया लगायतले मनोरन्जनको माध्यमबाट प्राकृतिक विपद्मा परेकाहरुका लागि आर्थिक संकलन गर्ने उद्देश्यले कार्यक्रम गरेको भन्दै सहयोगका लागि आव्हान गरेका थिए ।