श्रीमदभागवत ज्ञानसञ्चार बृद्धाश्रमको बार्षिक साधारणसभा

२८ असोज,हेटौँडा । हेटौडा–१७ गैरीगाउँमा रहेको श्रीमदभागवत ज्ञानसञ्चार बृद्धाश्रमको १५ औँ बार्षिक साधारणसभा सम्पन्न भएको छ । आइतबार बागमती प्रदेशसभा सदस्या ईन्द्र बहादुर बानियाँले बृद्धाश्रमको १५ औँ बार्षिक साधारणसभा सम्पन्न उद्धघाटन गरेका हुन् । साधारणसभा उद्धघाटन समारोहमा बोल्दै बानियाँले धर्मले सबैको हित गर्ने भन्दै ज्यष्ठ नागरिकलाई आश्रय दिइरहेको ज्ञानसञ्चार बृद्धाश्रमको भौतिक विकासको लागि आफ्नो सधै सहयोग रहने बताएका छन् । बानियाँले यस क्षेत्रको विकासको लागि  बागमती प्रदेश सरकारबाट आवश्यक बजेटका लागि पहल गर्न प्रतिवद्ध रहको कुरा उल्लेख गरेका छन् ।
बृद्धाश्रमका अध्यक्ष लक्ष्मण कटुवालको सभाध्यक्षतामा भएको कार्यक्रममा हेटौडा–१७ का वडा अध्यक्ष उद्धव सत्याल, हेटौँडा–१७ का वडासदस्य नवराज न्यौपाने, वृद्धाश्रमका पूर्व अध्यक्ष हरिप्रसाद सिग्देल, कामधेन बहुउद्धेश्यीय सहकारी संस्थाका अध्यक्ष उदय विडारी, स्थानीय समाजसेवी तथा नेकपा एस का नेता धन प्रसाद गौतम लगायतले मन्तव्य व्यक्त गरेका थिए । 
कार्यक्रममा १६ का वडा अध्यक्ष रामकृष्ण कोईराला, मकवानपुरगढी–१ का वडाध्यक्ष बखान सिंह पाख्रिन,हेटौँडा–६ का वडाध्यक्ष बिष्णु बहादुर दाहाल,हेटौँडा–६ का वडासदस्य विजय पौडेल, , हेटौँडा–१७ की वडासदस्य लेख कुमारी,पत्रकार महासंघ बागमती प्रदेश उपाध्यक्ष रुपेश दुलाल, विभिन्न मन्दिरका मठाधिशहरु स्थानीय लगायतको सहभागिता रहेको थियो। साधारणसभामा बृद्धाश्रमका अध्यक्ष लक्ष्मण कटुवालले अध्यक्षको प्रगति प्रतिवेदन र आर्थीक प्रतिवेदन प्रस्तुत गरेका थिए । कार्यक्रम मार्फत बृद्धाश्रममा सहयोग पु¥याउने विभिन्न व्यक्तिलाई दोसल्लाह ओढाएर सम्मान गरिएको थियो ।