मकवानपुर प्रहरीको रातोमाटेमा कुकुरसहित चेकिङ

 २९ असोज,हेटौँडा । वडादशैंमा हुन सक्ने सम्भावित घटनालाई मध्ये नजर गर्दै केही दिन अघि चाडवाड लक्षित सुरक्षा योजना सार्वजनिक गरेको जिल्ला प्रहरी कार्यालय मकवानपुरले सम्भावित घटनालाई मध्ये नजर गर्दै जिल्लाको विभिन्न स्थान र नाकामा चेक जाचमा कडाई गरेको छ ।
बागमती प्रदेश राजधानी समेत रहेको मकवानपुरको हेटौँडा भएर हजारै यात्रु आवतजावत गर्ने गर्दछन ।मकवानपुर प्रहरीले दशैंको समयमा यात्रु बस, बजारदेखि घरसम्मको सुरक्षाको योजना बनाएकोमा  अहिले दिनहु जसो जिल्ला प्रवेश गर्ने नाका रातोमाटेमा सोमबारबाट कुकुर सहितको चेकजाच कार्यको सुरुवात गरेको छ भने मनहरी, पालुङ्,सिस्नेरी तथा प्रहरी इकाइबाट जिल्ला भित्रिने र बाहिरिने सवारिलाई विभिन्न समयमा सरप्राइज चेकजाच कार्यको सुरुवात गरिएको मकवानपुरका प्रहरी नायव उपरीक्षक एवं प्रवक्ता लक्ष्मी भण्डारीले बताएका छन् । मकवानपुर प्रहरीले चाडवाड लक्षित सुरक्षा योजनाका लागि ८ सय १४ जना प्रहरी परिचालन गरेको जानएको छ । 
जिल्ला प्रहरी कार्यालय हेटौडाले मोटरसाइकल र गाडीसहित ४० जनाको ‘क्वीक रेस्पोन्स टोली बनाई गस्ति र चेकजाच गरिरहेको राजमार्गमा हुने लुटपाटलगायत अपराधिक घटना नियन्त्रण गर्ने उद्देश्यले  कुकुर सहितको विशेष शुरक्षा चेकजाच तथा बारा र मकवानपुरको सिमानामा पर्ने चुरियामाई मन्दिर नजिकवाट हतियारसहित रात्री बसमा प्रहरी चढेर लोथरको पुलसम्म पुग्ने व्यवस्था गरेको मकवानपुरका प्रहरी नायव उपरीक्षक एवं प्रवक्ता भण्डारीले प्रस्ट खबरलाई बताए ।बैंकलगायत वित्तीय क्षेत्र भएको स्थानहरुका २४ सै घन्टा प्रहरी परिचालन गर्ने र मादक पदार्थ सेवन गरेर सवारी साधन चलाउने एवं जुवातास खेल्नेहरुलाई सख्त कारवाही गर्ने प्रवक्ता भण्डारीले जानकारी दिएका छन् ।