मकवानपुरको इन्द्रसरोबरमा सुमो दुर्घटना,भारतीय सहित १३ घाईते

७ कार्तिक । मंगलवार बिहान मकवानपुरको इन्द्रसरोबरमा भएको टाटा सुमो दुर्घटनामा १२ भारतीय सहित १३ जना यात्रु घाइते भएका छन् ।

इन्द्रसरोबर गाउँपालिकाको वडा नम्बर ५ मकैबारीमा मकवानपुरको कुलेखानी मातातिर्थ हुँदै बिरगंजबाट काठमाडौ तर्फ जादैँ गरेको मधेश प्रदेश ०३–०० १ ज ०२८३ नम्बरको सुमो आफै अनियन्त्रित भई सडकबाट अन्दाजी २० मिटर तल खोल्सामा खस्दा सुमोमा सवार १३ जना घाइते भएको मकवानपुरका प्रहरी प्रवक्ता डिएसपी लक्ष्मी भण्डारीले जनाएका छन्। 
उनीहरुलाई उद्धार गरी उपचारको लागी काठमाडौ पठाइएको र घाइते हुनेमा सुमो चालक बारा जिल्लाको कलैया नगरपालिका वडा नम्बर २१ का २५ बर्षिय अनिल कुमार शाह रहेका छन् ।
दुर्घटनामा भारतको जानकी चापा छत्तिसगढकी २५ बर्षीय रचना कुमारी सुर्यबंशी, सोही स्थानकी ३५ बर्षकी गंगा देवि सुर्यबंशी, ३० बर्षकी मधु सुर्यबशीं, ३७ बर्षको ईन्द्र सेन, ३१ बर्षकी रितु सुर्यबंशी, २९ बर्षकि सरोजनी देवी, ११ बर्षकी प्रतिभा सुर्यबंशी, २ बर्षकी दिब्या सुर्यबशीं, ४ बर्षको प्रतिक सुर्यबशी, ३१ बर्षको बिजय कुमार सुर्यबशीं, ३५ बर्षको अजय कुमार सुर्यबंशी र हाल नाम थर नखुलेको ६० बर्षीय महिला रहेको प्रहरीले जनाएको छ ।