सिमराचोकमा भएको बस दुर्घटनामा एकको मृत्यु.४० घाइते

१२ कार्तिक,हेटौंडा । बाराको जीतपुर सिमरा उपमहानगर -२  सिमरा चोकमा बन भोज खाएर आउदै गरेको बस दुर्घटनामा १ जनाको मृत्यु भएको छ भने क़रीब ४० जना घाइते भएका छन् ।

शनिवार राति ना ७ ख ४७४९ नम्बरको तारकेश्वर ट्राभल्स बस सिमरा चोकस्थित राष्ट्रिय वाणिज्य बैंक रहेको घरमा ठोक्किएर दुर्घटना भएको हो ।घाइतेमध्ये अधिकांश वीरगन्जको गहवाका रहेको बताइएको छ । दुर्घटनामा ज्यान जानेको पहिचान खुलेको छैन्।घाइते मध्ये एक जनाको अवस्था गम्भीर छ ।
जिल्ला प्रहरी कार्यालय बाराका अनुसार दुर्घटनाका ११ जना घाइतेको पहिचान र अवस्था खुलेको छ। दुर्घटनामा कलैया उपमहानगरपालिका- २० का वीरबहादुर महतो, वीरगन्ज महानगरपालिका -८ का सुरज साह, सोही ठाँउकी प्रिया गुप्ता, मनिषा साह, सेजल गुरुङ, ललन चौरसिया, राजनकुमार गुप्ता, मोहन साह, कलैया- ६ का प्रसाद गुप्ता, अविनाश गुप्ता र जीतपुरसिमरा- २ का अनिष राई रहेका छन्। उनीहरुको विभिन्न अस्पतालमा उपचार भइरहेको बाराका प्रहरी प्रवक्ता डिएसपी  दधिराम न्यौपानेले जानकारी दिएका छन्।मोटरसाइकललाई बचाउने क्रममा बस अनियन्त्रित भएर दुर्घटना भएको बुझिएको छैन्।घाइतेहरूको हाल सिमरीको अस्पताल र वीरगन्ज स्थित बयोधा मेडिसिटी अस्पतालमा उपचार भइरहेको छ ।