हेटौंडा लेडी जेसिजको जेसिज सप्ताह बुधबारबाट

१४ कार्तिक,हेटौंडा। हेटौंडा लेडी जेसिजले भोली बुधबारबाट जेसिज सप्ताह कार्यक्रम अन्तर्गत विभिन्न गतिविधि सञ्चालन गर्ने भएको छ । मंगलबार हेटौंडामा पत्रकार सम्मेलनको आयोजना गरी कार्यक्रमको बारेमा जानकारी गराइएको हो  ।
जेसिज सप्ताह कार्यक्रम अन्तर्गत भोलि बुधबार १५ गतेबाट १८ गतेसम्म विभिन्न कार्यक्रको आयोजना गर्न लागिएको लेडि जेसिज अध्यक्ष डिलमाया घर्ती ‘दिलु’ले बताइन् ।
कार्यक्रमको पहिलो दिने भोली असोज १५ गते बुधबार रक्तदान र खुल्ला वत्तृmत्वकला कार्यक्रम रहेको अध्यक्ष दिलुले जानकार दिइन्् । उनको अनुसार पहिलो कार्यक्रम अन्तर्गत हेटौंडा– १ मा रक्तदान र हेटौंडा–४ स्थित हेटौंडा क्याम्पसमा स्व. बुद्धरत्न शाक्य स्मृती खुल्ला वक्तृत्वकला प्रतियोगिता कार्यक्रम हुनेछ । वक्तृत्व कला प्रतियोगिताका प्रथमले ५ हजार, द्वितिय हुनेले ३ हजार र तृतिय हुनेले २ हजार नगद पुरस्कार सहित प्रमाण पत्र प्राप्त गर्नेछन् ।
यस्तै १६ गते बिहीबार हेटौंडा–१ चौकिटोलमा रहेको ॐ वृद्धआश्रममा खाद्यन्न वितरण र हेटौंडा– ४ मा रहेको भुङग्रो थकालीमा बैठक संचालन प्रणाली सम्बन्धि तालिमको आयोजना गरिने अध्यक्ष दिलुले बताईन् ।
यसैगरी १७ गते हेटौंडा–४ स्थित सितल महल चोकमा स्लो स्कुटी रेस प्रतियोगिता हुने छ भने मनहरी गाउँपालिका चकरीमा रहेको श्री प्रा.वि. चकरीमा अध्यय्न गर्ने विद्यार्थीहरुलाई स्व. बाशु प्रसाद पौडेल शैक्षिक सामाग्री हस्तान्तरण कार्यक्रमको आयोजना गरिने भएको छ ।
जेसिज सप्ताह कार्यक्रमको अन्तिम दिन कार्तिक १८ गते बिहान हेटौंडा–५ मा रहेको हाम्रो घर बालगृहमा सरसफाइ सामाग्री हस्तान्तरण गर्ने कार्यक्रम रहेको छ भने सोहि दिन सप्ताह व्यापि कार्यक्रमको समापन गरिने मुल कार्यक्रम संयोजक अस्मिता न्यौपानेले जानकारी दिइन् ।