डा.सन्दुक रुइतसहित १० जना सम्मानित

२६ कार्तिक, काठमाडौं । प्रसिद्ध नेत्र चिकित्सक तथा तिलगंगा आँखा अस्पतालका निर्देशक डा.सन्दुक रुइतसहित १० जना सम्मानित भएका छन् । 
अमेरिकाको नर्दन क्यालिफोर्नियामा अवस्थित नीलकृष्ण जसोदा सिटौला फाउन्डेसनले शनिबार राजधानीमा एक कार्यक्रमको आयोजना गर्दै रूइतसहित १० जनालाई सम्मान गरेको हो । सम्मानित हुनेमा वैज्ञानिक एवं राष्ट्रिय आविष्कार केन्द्रका अध्यक्ष डा.महावीर पुन, पूर्व राजदूत प्रल्हादकुमार प्रसाईँ, कवि नवराज पराजुली, इन्जिनियर रामबिन्दु श्रेष्ठ, पत्रकार अरुणदेव जोशी, समाजसेवी सरु सुवेदी, शिक्षक होमनाथ न्यौपाने र गायिका सिम्रन परियार रहेका छन्  
त्यस्तै, वरिष्ठ समालोचक साहित्यकार दधिराज सुवेदी, प्राज्ञ एवं गीतकार उन्नति बोहोरा शिला, प्राध्यापक एवं साहित्यकार डाक्टर फणिन्द्रराज निरौला, साहित्यकार सुशीला ढकाल अधिकारी, पत्रकार सुमन सापकोटा, समाजसेवी प्रेमप्रकाश सिटौला, पत्रकार एचवी ताम्राकार र गायिका कोपिला शिवाकोटीलाई सम्मान गरेको छ । उनीहरू सबैलाई फाउन्डेसनले नगदसहित सम्मान गरेको छ ।
हरेक वर्ष सम्मान गर्दै आएको नीलकृष्ण जशोदा सिटौला फाउन्डेसन, नर्दन क्यालिफोर्नियाका संस्थापक एवं संरक्षक इन्जिनियर ईश्वरकान्त सिटौला जानकारी दिए ।