मानवअधिकार आयोगले आज हुने प्रदर्शनको अनुगमन गर्ने

७ मङ्सिर, हेटौँडा । राष्ट्रिय मानवअधिकार आयोगले व्यवसायी दुर्गा प्रसाईं र नेकपा (एमाले)को युवा सङ्गठन राष्ट्रिय युवा सङ्घले आयोजना गरेको छुट्टाछुट्टै प्रदर्शनका क्रममा हुन सक्ने घटनाको निरीक्षण गर्ने भएको छ । 
स्वतन्त्र कानुन व्यवसायी मञ्चले बुझाएको ज्ञापनपत्र बुझ्दै आयोगका अध्यक्ष तपबहादुर मगरले कुनै किसिमबाट हिंसा भड्कन नदिन आयोगले अनगुमन र सक्दो पहल गर्ने बताएका छन् ।
यसैबिच, भोली हुने प्रदर्शनको सुरक्षाका लागि उपत्यका प्रहरी कार्यालयले एकीकृत सुरक्षा योजना लागू गरेको छ । प्रदर्शनको सुरक्षा व्यवस्थापनका लागि करिब ७ हजार सुरक्षाकर्मी परिचालन गर्ने गरी सुरक्षा योजना तयार गरिएको प्रहरीले जनाएको छ । 
सुरक्षा व्यवस्था चुस्त राख्न उपत्यका प्रहरी कार्यालयले प्रहरी नायव महानिरिक्षक लालमणि आचार्यको नेतृत्वमा ‘कमाण्ड’ सेन्टर बनाएको छ । प्रहरीले ड्रोनबाट पनि प्रदर्शन स्थलको सुरक्षा निगरानी गर्ने जनाएको छ । 
प्रदर्शन स्थल र जुलुस आउने बाटोमा १ हजार ५ सय ८८ सशस्त्र प्रहरी परिचालित हुनेछन् । यसैगरी काठमाडौँमा २ हजार ६ सय ३७ जना ललितपुरमा ५ सय ६४ जना र भक्तपुरमा ४ सय ४ जना प्रहरी परिचालन गर्ने गरिने प्रहरीले जनाएको छ । 
यस्तै ट्राफिक व्यवस्थापनका लागि उपत्यकामा ९ सय ७८ जना ट्राफिक प्रहरी गरिने भएको छ । यस्तै अपराध अनुसन्धान विभागबाट सूचना सङ्कलनका लागि ३ सय ५१ जना सुरक्षाकर्मी परिचालन गरिने प्रहरी प्रधान कार्यालयले जनाएको छ ।