मन्त्री चित्रकारले गरे १०० दिनको उपलब्धी सार्वजनिक

१४ मङ्सिर, हेटौँडा । बागतमी प्रदेशका उद्योग, वाणिज्य, भूमि तथा प्रशासन मन्त्री रामकृष्ण चित्रकारले आफ्नो १०० दिनको उपलब्धी सार्वजनिक गरेका छन् । 
लामो समय विना विभागी मन्त्रीको रुपमा रहेका मन्त्री चित्रकारले उद्योग, वाणिज्य, भूमि तथा प्रशासन मन्त्रालय सम्हालेको १०० दिनमा गरेका कामहरुको प्रगति विवरण सार्वजनिक गरेका हुन् । गत जेठ ७ गते मन्त्री बनेका नेपाली कांग्रेस बागमती प्रदेश संसदीय दलका उपनेता चित्रकारले भदौ ५ गते मात्र विभागिय जिम्मेवारी पाएका थिए । 
बजेट निर्माणको चटारोका बिच मन्त्री बनेका चित्रकारलाई मुख्यमन्त्री तथा मन्त्रिपरिषद कार्यालय, कृषि तथा पशुपन्छी विकास मन्त्रालय र तत्कालिन पर्यटन उद्योग तथा सहकारी मन्त्रालयलाई विभाजन गरी नयाँ मन्त्रालय खडा गरी जिम्मेवारी तोकिएको थियो । 
बुधबार एक समारोका बिच भाडाको घरबाट मन्त्रालय सरकारी भवनमा सारेर आफ्नो १०० दिनको कार्य प्रगति विवरण सार्वजनिक गरेका हुन् । उनले १०० दिनमा नीतिगत एवम् कानुनी व्यवस्था, वार्षिक बजेट कार्यक्रम, अन्य विषयहरुमा भएका प्रगतिसंगै आगामी दिनमा गर्ने कार्य योजना समेत सार्वजनिक गरेका छन् । उनले १०० दिनमा विविद काुनी तथा व्यवस्थापकीय समस्यका बिचमा काम गरेको उनले बताए ।