हेटौँडामा पेस्तोल र गोलि सहित तीन पक्राउ,दिउँसो प्रहरीको पत्रकार सम्मेलन

२२ मंसिर,हेटौँडा । हेटौँडामा १ थान प्रस्तोल र २० राउण्ड गोलि सहित ३ जना पक्राउ परेका छन्।जिल्ला प्रहरी कार्यालय मकवानपुरले पेस्तोल र गोली सहित पक्राउ परेका तीन जनालाई शनिबार दिउँसो पत्रकार सम्मेलन गरेर शार्वजनिक गर्दैछ।
शुक्रबार दिउँसो हेटौंडा उपमहानगरपालिका वडा नम्बर ४ हुप्राचौरस्थित एक घरको कोठाबाट १ थान सेमी अटो मेटिक  पेस्तोल  सो मा लाग्ने गोली २० राउण्ड सहित ३ जना पुरुषलाई पक्राउ गरेको थियो।मकवानपुर प्रहरी प्रमुख एसपी सिताराम रिजालका अनुसार मंसिर १८ गते सोमबार  हेटौंडा–९ धर्मपथस्थित सुर्य प्रसाद पौडेलको घरमा लगातार धेरै पटक गोलि पड्केको आवाज उनको घरको वरीपरी गोलीको थप्रै खोका परेपछि मकवानपुर प्रहरीले अनुसन्धान थालेको बताए । 
“घटनाको जानकारी पाए लगत्तै हामीले तत्तकाल अनुसन्धान सुरु गर्दा उक्त घरको पिलर, बिम, रेलिङवालमा गोली लाग्दाको जस्तो दाग देख्यौ, त्यसैगरी प्रगति स्कुल अगाडीको सडकमा १ राउण्ड गोली समेत फेला परेका थिए , घटनामा संलग्ना ३ जना पक्राउ परिसके आज दिउँसो पत्रकार सम्मेलन मार्फत सार्वजनिक गर्छै”– एसपी रिजालले भने। जिल्ला प्रहरी कार्यालय मकवानपुरले घटनाको जानकारी र पक्राउ परेकालाई शनिबार दिउँसो पत्रकार सम्मेलन गरेर सार्वजनिक गर्दैछ ।