बागतमी सरकारको ढिलाई उपभोक्ता समितिले पाएन २ करोड ८३ लाख रुपैयाँ

२५,मंसिर, हेटौडा । आर्थिक पारदर्शीता र सुशासनको भाषण गरेर नथाक्ने बागतमी प्रदेश सरकारको ढिलासुस्तीले अघिल्लो आर्थिक वर्षमा काम सम्पन्न भएका योजनाहरुको भुक्तानी अझै दिन सकेको छैन  ।

बागमती प्रदेश सरकारबाट विनियोजित भएको र शहरी विकास तथा भवन कार्यालय अन्तरगत उपभोक्ता समिति मार्फत काम गरेका २१ वटा योजनाका करिव २ करोड ८३ लाखको भुक्तानी दिन बाँकी रहेको हो ।  काम सम्पन्न भएर पनि भुक्तानी नपाएको  २१ वटा योजना मध्ये एक हो हेटौडा–६ चौघडामा रहेको विपि गणेशमान स्मृति शान्ति पार्क निमार्ण उपभोक्ता समिति । 

समितिले काम सम्पन्न गरेर फाइल सम्बन्धी कार्यालयमा पुगेर सबै प्रक्रिया सकिक्दा हाल सम्म भुक्तानी नपाउदा समस्यामा परेको विपि गणेशमान स्मृति शान्ति पार्कका सचिव भरत सापकोटाले गुनासो गरेका छन् । उनले समयमा योजना सम्पन्न गर्न नसक्दा बजेट फ्रिज हुने ऋण काटेर काम सम्पन्न भएर पनि रकम नपाउदा समस्या परेको बताए । उनले भदौ महिनामा रकम आउने आश्वासन कार्यालयले दिएको थियो तर मंसिरको अन्तिम सम्म पनि भुक्तानी नदिएको बताए । 
यता यस विषयमा बुझदा शहरी विकास तथा भवन कार्यालयका सूचना अधिकारी टेकनाथ काफलेले भुक्तानीको लागि भौतिक मन्त्रालयमा चिठी लेखि पठाएका तर अहिले सम्म रकम निकासा नभएको र जवाफ समेत नआएको बताए । उपभोक्ता समितिसँग योजनाको लागि सम्झौता गर्ने तर सम्झौताको अवधिभित्रै काम सम्पन्न भएका योजनाहरुको भुक्तानी नहुदा उपभोक्ताहरु सारै समस्याको परेका छन । समयमै सम्पन्न भएका योजानहरुको तत्काल भुक्तानी दिई उपभोक्ताहरुलाई परेको समस्या समाधान गर्नु पर्नेमा सरोकारवालाहरुले जोड दिएका छन ।