सप्ताह ज्ञान महायज्ञको दोश्रो दिन पचासहजार रुपैंया संकलन 

२० पुस, हेटौँडा । मामाघर नेपालको सहयोगार्थ हेटौंडा ७ न्यूरेनी चिसापानी चोकमा आयोजित श्रीमद् भागवत् सप्ताह ज्ञान महायज्ञको दोश्रो दिन बुधबार पचासहजार रुपैंया संकलन भएको छ । 
गरीब, अनाथ भई सडक पेटीमा जीवन बिताईरहेका बालकहरुको संरक्षण गर्दै आएको मामाघर नेपालको नवनिर्मित भवन निर्माण सहयोगार्थ लगाईएको महायज्ञमा बुधबार पचासहजार रुपैंया संकलन भएको आयोजकले जनाएको छ । 
महायज्ञमा हेटौंडा ४ का शेरबहादुर पहरीले एघारहजार एकसय ११ रुपैंया प्रदान गर्नुभएको हो । यस्तै नबज्योती टोल विकास संस्थाले २ हजार ५ सय ५५, बिनादेवी बोगटीले २ हजार ५ सय ५५, राधिका र बेदप्रसाद भट्टराईले २ हजार ५सय १०, परशुराम थापाले २ हजार ५ सय ३०, रामचन्द्र महतले २ हजार १ सय ६० तथा रामप्रसाद र संगीता पौडेलले २ हजार १ सय २१ रुपैंया मामाघर नेपाल सहयोगार्थ महायज्ञमा प्रदान गरेको महायज्ञ व्यवस्थापक लबराज अधिकारीले जानकारी दिए । 
पुष २५ गतेसम्म हुने महायज्ञमा प्रमुख बाचक बालव्यास पण्डित मनिषशरण खनाल र उपवाचक पण्डित बिनोद सापकोटाले झाँकीसहीत भक्तीमय कथा वाचन गरिरहेका छन् ।  महायज्ञबाट करीब २० लाख रुपैंया संकलन हुने लक्ष्य आयोजकले लिएको छ ।