पुस २ र ३ गते हेटौंडा १० बसपार्कमा घरेलु मेला

२७ मङ्सिर, हेटौंडा । स्थानीय तथा घरेलु उत्पादनको प्रचारप्रसार एवम् प्रवद्र्धन गर्ने उद्देश्यले हेटौंडाको १० बसपार्कमा घरेलु मेला हुने भएको छ । 
हेटौंडा उपमहानगरपालिका १० नम्बर वडा कार्यालयको आयोजनामा आगामी पुस २ र ३ गते मेला हुन लागेको हो । मेलामा घरेलु उत्पादन तथा नृत्य प्रतियोगिता सञ्चालन हुने जानकारी दिइएको छ । 
मंगलबार वडा कार्यालयले पत्रकार सम्मेलनमार्फत मेलाको विषयमा जानकारी दिएको हो । वडा अध्यक्ष फुर्वा दोर्जे लामाले उपमहानगर क्षेत्रका १९ वटै वडामा भएको उत्पादनलाई नगरबासीमा जानकारी गराउँदै प्रवद्र्धन गर्ने उद्देश्यले मेला सञ्चालन गर्न लागेको बताए । 
स्थानीय उत्पादनको प्रवद्र्धन, उत्पादित वस्तुको बजारीकरण र स्वरोजगार सिर्जनामा सहयोग पु¥याउने उद्देश्यले मेलाको आयोजना गर्न लागिएको उनले जानकारी दिए ।
प्रदर्शनीमा स्थानीय जातजातीका भेषभुषा झल्कने नृत्य प्रस्तुत गर्दै संस्कृति संरक्षणमा सहयोग पु¥याउने लक्ष्य समेत वडा कार्यालयले लिएको छ । 
प्रदर्शनीमा उपमहानगरका १९ वटा वडाको उत्पादन प्रदर्शनीको लागि ३० वटा स्टलसहित यस क्षेत्रका कलाकारहरुको नृत्य प्रस्तुत हुनेछ । पहिलो दिन उद्घाटन सहित स्थानीय उत्पादनको बजारीकरण र दोस्रो दिन साँस्कृतिक कला सहितको नृत्य प्रतियोगिता गर्ने तयारी रहेको छ । 
प्रदर्शनीमा निःशुल्क स्टल र नृत्य प्रतियोगितामा सहभागिता खुला गरिएको छ । नृत्य प्रतियोगिता सहभागी हुनेलाई वडा कार्यालयले पुरस्कारको व्यवस्था गरेको छ । प्रतियोगिताको पहिलो हुनेलाई ५० हजार, द्वितीय हुनेलाई ३५ हजार, तृतीय हुनेलाई ३० हजार र सान्त्वना पुरस्कार स्वरुप ४ जनालाई ५÷५ हजार रुपैयाँ पुरस्कारको व्यवस्था गरिएको छ । 
प्रदर्शनी मेला तथा साँस्कृतिक कार्यक्रमलाई सफल बनाउन वडा कार्यालयले ६ वटा उपसमिति बनाएर काम सुरु गरेको छ । वडा कार्यालयले चालु आर्थिक बर्ष २०८०÷०८१ मा छुट्याएको ५ लाख रुपैयाँ बजेटबाट कार्यक्रम गर्न लागिएको जानकारी दिइएको छ ।