शिक्षक संघ मकवानपुरको नेतृत्व विकास तालिम

३० मंसिर, हेटौँडा । नेपाल शिक्षक संघ मकवानपुरले शनिबार हेटौँडामा अन्तरक्रिया तथा नेतृत्व विकास तालिमको  आयोजना गरेको छ । नेपाल शिक्षक संघमा आवद्ध मकवानपुरका १० वटै स्थानीय तहका पदाधिकारी तथा सदस्यहरुका लागि तालिम प्रदान गरिएको हो ।

नेपाली कांग्रेस बागमती प्रदेशका सभापति एवं प्रदेसभा सदस्य इन्द्र बहादुर बानियाँको प्रमुख आतिथ्यता तथा शिक्षक संघ मकवानपुरका अध्यक्ष गणेश प्रसाद हुमागाईको अध्यक्षतामा नेतृत्व विकास तालिमको आयोजना गरिएको हो । एक दिने तालिको नेपाल शिक्षक संघका निवर्तमान केन्द्रीय बरिष्ठ उपाध्यक्ष यम पी  भुसालले कार्यक्रममा सहभागिलाई प्रशिक्षण दिएका थिए । तालिमको उदघाटन कार्यक्रममा नेपाली कांग्रेस मकवानपुरका सभापति बुद्ध लामा, शिक्षकसंघ बागमती प्रदेशका अध्यक्ष दिपक सिंखडा, केन्द्रीय सदस्य रामकुमार अधिकारी, संघ बागमती प्रदेश सदस्य ज्ञानेन्द्र बर्तौला लगायतकाको आतिथ्यता रहेको थियो । कार्यक्रमको सहजिकारण संघ मकवानपुर सचिव श्रीराम लुईटलले गरेका थिए । कार्यक्रममा नेपाल शिक्षक संघ हेटौंडा उपमहानगर कार्यसमिति अध्यक्ष मन्दिरा घिमिरे, मकवानपुर गढी अध्यक्ष प्रल्हाद घिमिरे, नेपाल शिक्षक संघ मकवानपुर महिला उपाध्यक्ष उमा कोइराला लगायतले आ–आफ्नो धारणा व्यक्त गरेका थिए ।

मकवानपुर जिल्ला तथा स्थानीय तहका पदाधिकारी एवं सदस्यहरूका लागि शैक्षिक अन्तरक्रिया तथा नेतृत्व विकासमा सहयोग पुगोस भनेर तालिमको आयोजना गरिएको संघ मकवानपुरका अध्यक्ष गणेश प्रसाद हुमागाईंले बताएका छन् ।