पन्ध्रविगाहको अध्यक्षमा पुनः पौडेल

१ पुस, हेटौंडा । हेटौंडा ६ मा रहेको पन्ध्रविगाह टोल विकास संस्थाको अध्यक्षमा पुनः कृष्णप्रसाद पौडेल चयन भएका छन । शनिबार सम्पन्न संस्थाको ७ औँ वार्षिक साधारणसभा तथा अधिवेशनले पौडेलको अध्यक्षतामा ११ सदस्यीय कार्यसमिति सर्वसम्मत चयन गरेको हो । 
संस्थाको उपाध्यक्षमा रामहरी सापकोटा, सचिवमा यमलाल अधिकारी, कोषाध्यक्षमा उर्मिला बानियाँ र सहसचिवमा बालकृष्ण पौडेल सर्वसम्मत चयन भएका हुन् । त्यसैगरी सदस्यहरुमा गीता भट्टराई, कल्याणी खड्का, सुनिता राई, दुर्गा धिताल, रञ्जिता सापकोटा, विशाल न्यौपाने रहेका छन् । 
हेटौंडा ६ का वडा अध्यक्ष विष्णुबहादुर दाहालको प्रमुख आतिथ्यतामा कार्यक्रम भएको हो । कार्यक्रममा वडा अध्यक्ष दाहालले टोल विकास संस्थालाई सदैव सहयोगको लागि वडा कार्यालय तत्पर रहेको बताए । समस्या लिएर वडा कार्यालय आउँदा समाधान गरेर मात्र फर्काउने उनले बताए । टोल विकास संस्थाको भवन, सार्वजनिक शौचालय निर्माणको लागि वडा कार्यालयबाट बजेट विनियोजन गर्ने उनले बताए ।
कार्यक्रममा हेटौंडा ६ का वडा सदस्य विजय पौडेल, हेटौंडा उपमहानगरपालिका सामाजिक विकास महाशाखा प्रमुख भीमप्रसाद तिमल्सिना, टोल विकास संस्था नगर समन्वय समितिका उपाध्यक्ष गंगाप्रसाद पौडेल, टोल विकास संस्था वडा समन्वय समिति हेटौंडा ६ का सचिव राजकुमार फुयाल लगायतकाको आतिथ्यता रहेको थियो । 
टोल विकास संस्थामा २६ घरधुरी रहेका छन् भने ६१ जनाले बचत तथा ऋणको कारोवार गरिरहेको संस्थाका सचिव यमलाल अधिकारीले जानकारी दिए ।