निरास हुनुपर्दैन ढुक्क भएर लगानी गर्न सकिन्छः अर्थ मन्त्री महत

३ पुस,हेटौँडा । नेपाल सरकारका अर्थ मन्त्री एवं कांग्रेसका प्रवक्ता प्रकाश शरण महतले आर्थिक क्षेत्र सुध्रिएकाले अब निरास नपर्ने ढुक्क भएर लगानी गर्न सकिने बताएका छन् । 
नेपाली कांग्रेस मकवानपुरको जिल्ला सम्मेलनको आज हेटौंडामा उद्घाटन गर्दै अर्थ मन्त्री महतले देशको आर्थिक क्षेत्रमा सुधार आएकोले अब निरास नपर्ने ढुक्क भएर लगानी गर्न सकिने बताएका हुन् । उनले कार्यक्रमलाई सम्बोधनका क्रममा अब निर्धक्कसंग आर्थिक गतिबिधी गर्नका लागि उद्योगी,व्यापारीलाई आग्रह गरेका हुन् । र्
अर्थतन्त्रमा सुधार आएकाको जग्गा कारोबार बढ्को , शेयर मार्केटमा बढावा आएको ,पर्यटन क्षेत्रमा पनि निकै सुधार आएको छ , अनि लगानी गर्न डराउनुपर्ने अवस्था छ त ’ ? –महतले भने  । उनले कार्यक्रमलाई सम्बोधनका क्रममा अर्थ मन्त्रालय आफ्नो नेतृत्वमा आएपछि आर्थिक सुधारका लागि राम्रो काम गरेको दावि गरेका छन् । कांग्रेस मकवानपुरको सम्मेलनमा मकवानपुर जिल्लाको दुई संघीय निर्वाचन क्षेत्र, ४ वटा प्रदेश, १० वटा पालिका, १०२ वटा वडाबाट गरी करिब २ हजार प्रतिनिधि उपस्थिती रहेका छन् । सम्मेलन जिल्लाको संगठानात्मक अवस्था, समस्या, वार्षिक प्रगति, राजनाीतिक सिद्धान्त र विचारका विषयमा केन्द्रीत रहने पार्टी प्रवक्त अर्जुन प्रसाद चौलागाईले जनाएका छन् ।