बंशगोपाल क्याम्पसमा निवन्ध प्रतियोगिता

२१ पुस, हेटौंडा । हेटौंडा बजार लायन्स क्लबको आयोजनामा हेटौँडा–६ चौघडामा रहेको बंशगोपाल बहुमुखी क्याम्पसमा निवन्ध प्रतियोगिता भएको छ । मुलुक संघियतामा परिणत भैसेकेको अवस्थामा यसका फाईदा र चुनौती बिषयमा निवन्ध प्रतियोगिता भएको हो । 

निवन्ध प्रतियोगितामा प्रथम, दोस्रो, तेस्रो र सान्त्वना पुरस्कार क्रमश : गोविन्द ढकाल, रविता सापकोटा, बिपना चौलागाई, संगिता सापकोटा र सन्जु दुलालले प्राप्त गरेका छन् । प्रथम ,दोस्रो , तेस्रो तथा सान्त्वना पुरस्कार प्राप्त गर्न गरेका विद्यार्थीलाई क्रमश : ६ महिना, ४ महिना, ३ महिना र २/२ महिनाको छात्रबृत्तिसंगै प्रमाण पत्र प्रदान गरिएको क्लबका अध्यक्ष माधव पोखरेलले जानकारी दिए ।

क्लवका डिष्ट्रिक्ट चेयर पर्सन राम श्रेष्ठको प्रमुख अतिथ्यता एवं लायन्स क्लबका प्रेसिडेन्ट लायन माधव पोखरेलको सभापतित्व कार्यक्रम भएको हो । कार्यक्रममा क्याम्पस व्यवस्थापन समिति अध्यक्ष उज्वल चौलागाई हेटौँडा वडा नम्बर ६ का अध्यक्ष अर्जुन चौलागाई, क्लवका जोन चेयर परसन रमा श्रेष्ठ लगायतको सहभागिता रहेको थियो ।

यस्ता कार्यक्रमले विद्यार्थीलाई अतिरिक्त क्रियाकलापमाहौसला मिल्ने क्याम्पस प्रमुख लक्ष्मण कंडेलले बताए ।