जाँडको झोल निर्यात गर्नु जरुरी: मुख्यमन्त्री चौधरी

८ पुस, बर्दिया । लुम्बिनी प्रदेशका मुख्यमन्त्री डिल्लीबहादुर चौधरीले संस्कृति बचाउन प्रदेश सरकार तयार रहेको बताएका छन ।
बर्दियाको गुलरियामा शुरू भएको प्रादेशिक कृषि, पर्यटन तथा औद्योगिक व्यापार महोत्सव उद्घाटन गर्दै मुख्यमन्त्री चौधरीले मेला महोत्सवले विभिन्न किसिमका संस्कृतिको सन्देश दिएर जिल्लालाई चिनाउन भएकाले गाउँ गाउँमा सांस्कृतिक कार्यक्रम गर्न आग्रह गरे । उनले ब्राडिङ्ग गरेको संस्कृतिलाई अगाडि बढाउनको लागि खर्च गर्न प्रदेश सरकार तयार रहेको बताए ।
'हामीले उत्पादनको कुरा गर्छौं । ठुला फ्याट्रि आउदैनन् भने गाउँलाई नै कसरी उद्योग बनाउने? हरेक घरमा ठुलो कुखुराको प्लानिङ्ग गर्नु भन्दा प्रत्येक घर घरमा दुई/दुई सय कुखुरा दिएर टेक्निकल सपोर्ट गरौं' चौधरीले भने- 'हामीले जापान, कोरियामा बनेका विदेशी रक्सी खाने तर यहाँको जाँडको झोल थारुले बनाएको भन्ने ?' उनले थारु समुदायले घरमै तयार गर्ने जाँड,महुवाको रक्सी लगायतका स्थानीय उत्पादनलाई ब्रान्डिङ गरि स्वदेश मात्र नभई विदेशमा समेत निर्यात गर्ने समय आएको बताए । 
उनले महिलाहरुलाई आत्मनिर्भर बनाउन उद्योग वाणिज्य संघ, स्थानीय सरकार र प्रदेश सरकार मिलेर अघि बढ्नुपर्ने बताए ।