फेकोफनले गर्यो चौघडा बजारको सरसफाइ

फोटोः भिमसेन पौडेल

१३ पुस, हेटौडा । सामुदायिक वन उपभोक्ता महासंघ ( फेकोफन) मकवानपुरको आयोजना र डिभिजन वन कार्यालय मकवानपुरको सहयोगमा शुक्रवार हेटौँडा–६ चौघडा बजारको सरसफाई गरिएको छ ।
वातावरण संरक्षण गर्ने उद्धेश्यका साथ सरसफाइ कार्यक्रमको आयोजना गरिएको हो । चौघडा बजार, रक्षादेवी मन्दिर र विपी गणेशमान स्मृति शान्तिपार्कको सरसफाई गरिएको फेकोफन मकवानपुरका अध्यक्ष साधुराम चौलागाईले बताए ।
सरसफाइ कार्यक्रममा जनप्रतिनिधी, रक्षादेवी टोल विकास संस्था, शान्तिटोल विकास संस्था, रक्षादेवी आमा समूह, स्थानीय, वनका कर्मचारी र सञ्चारकर्मी समेतको उपस्थिति रहेको थियो । कार्यक्रममा डिभिजन वन कार्यालय, मकवानपुका प्रमुख पुष्पराज बत्र्तौला, सव डिभिजन वन कार्यालय, फापरवारीका वन अधिकृत रामचन्द्र श्रेष्ठ, हेटौडा–६ का वडा सदस्य लेखराज ढकाल, मुना विक. सामुदायिक वन उपभोक्ता महासंघ मकवानपुरका अध्यक्ष साधुराम चौलागाई, रानी सामुदायिक वनका विष्णुप्रसाद न्यौपाने,रक्षादेवी टोल विकास संस्थाका अध्यक्ष रमेश कुमार बानियाँ, शान्तिटोल विकास संस्थाका अध्यक्ष केशव धिताल,टोल विकास संस्था वडा समन्वय समिति हेटौडा–६ का सचिव राजकुमार फुयाँल लगायतको सहभागिता थियो ।