बागमती प्रदेशमा समस्याग्रस्त सहकारीको निमित्त व्यवस्थापन समिति गठन

२२ पुस, हेटौंडा । बागमती प्रदेशमा समस्याग्रस्त सहकारीको निमित्त व्यवस्थापन समिति गठन गरिएको छ । बागमती प्रदेश सरकार मन्त्रीपरिषद् बैठकले व्यवस्थापन समिति गठन गर्दै 
समितिकाे सेवा सुविधा तथा सर्त सम्वन्धि व्यवस्था गरेको हो ।
तीन सदस्यीय समितिको अध्यक्षमा काठमाडौंका प्रशान्त अधिकारी र सदस्यहरूमा काठमाडौंका यज्ञनाथ दाहाल र मकवानपुरका यतीराज सापकाेटा छन् ।
बैठकले भाैतिक संरचनाकाे संरचनात्मक सुधारकाे खर्च अख्तियारी प्रदान गर्ने, जनचेतनामूलक प्रचार सामग्री निर्माण, प्रसारण तथा वितरण कार्यविधि २०८० स्वीकृत गर्ने, माैलिक चलचित्र निर्माण तथा प्रवर्द्धनमा सहयाेग कार्यक्रम सन्चालन सम्वन्धि कार्यविधि २०८० स्वीकृत गर्ने र द्वन्द्व पीडितका लागि सवलिकरण कार्यक्रम कार्यन्वयन कार्यविधि २०८० स्वीकृति गर्ने निर्णय गरेको छ ।
 त्यस्तै, बैठकले प्रदेशसभा सदस्य गिता गुरुङकाे हेयरिङ मेशिन खरिद, एक वडा एक कृषि पशुपन्छी तथा मत्स्यजन्य उत्पादन कार्यक्रम कार्यान्वयन कार्यविधि २०८० स्वीकृत, एक विद्यालय एक नर्स कार्यक्रम सन्चालन (दाेश्राे संसाेधन) कार्यविधि २०८० स्वीकृत, गर्भवती तथा सुत्केरी अवस्थाका ज्यान जाेखिममा परेका महिलाकाे निशुल्क हवाइ उद्धार सेवा सम्वन्धि कार्यविधि २०८० स्वीकृत गर्ने र दुर्गम क्षेत्र विशेषज्ञ चिकित्सक प्राेत्साहन तथा विस्तारित अस्पताल सेवा सन्चालन सम्वन्धि कार्यविधि २०८० स्वीकृत गर्ने निर्णय गरेको सरकारका प्रवक्ता आन्तरिक मामिला तथा कानून मन्त्री गंगानारायण श्रेष्ठले जानकारी दिए ।