चौघडामा आधारभूत केश श्रृङ्गार तथा सौन्दर्य तालिम शुरू

२४ पुस, हेटौंडा । हेटौंडा-६ चौघडामा रहेको नवजीवन ज्योति क्लवको आयोजना एवं व्यवसायिक तथा सीप विकास तालिम केन्द्रको सहयोगमा ३ महिने आधारभूत केश श्रृङ्गार तथा सौन्दर्य तालिम शुरू भएको छ ।
कार्यक्रमको शुभारम्भ गर्दै हेटौंडा उपमहानगरपालिकाका उपप्रमुख राजेश बानियाँले सिपमुलक तालिमले जीविकोपार्जन र स्वावलम्बी बन्न टेवा पुग्ने भएकाले सिप सिकेर व्यवहारमा उतार्न आग्रह गरे । उनले उपमहानगरपालिकाले समेत विभिन्न खालका सिपमुलक तालिमका लागि बजेट विनियोजन गरेको भन्दै यसमा समेत सहभागी भएर लाभ हासिल गर्न सकिने बताए ।
कार्यक्रममा हेटौंडा-६ का वडा अध्यक्ष विष्णुबहादुर दाहाल, व्यवसायिक तथा सीप विकास तालिम केन्द्रका प्रमुख अशेष खड्का, टोल विकास संस्था नगर समन्वय समितिका अध्यक्ष ध्रुव अधिकारी, क्लवका सल्लाहकार श्यामप्रसाद श्रेष्ठ, गणेशकुमार श्रेष्ठ, नेपाल पत्रकार महासंघ बागमती प्रदेशका उपाध्यक्ष रूपेश दुलाल, प्रशिक्षार्थी सीता थापा लगायतले मन्तव्य व्यक्त गरेका थिए ।
२५ जना सहभागी हुने तालिममा तालिम केन्द्रका प्रशिक्षक अनुपा घिमिरे र निर्मला गुरागाईले प्रशिक्षण दिनेछन् । कार्यक्रममा हेटौंडा-६ का पूर्व वडा सदस्य शुभद्रा तिमल्सिना, लेखा अधिकृत डोरबहादुर खड्का, रोहिणी स्वस्तिक बाल उद्यान समितिका अध्यक्ष चतुर्भुज राई, गढी जेसिजका अध्यक्ष विजय पुडासैनी, रक्षादेवी क्लवका उपाध्यक्ष केशव कोइराला, क्लवका सहसचिव शोभा घिमिरे, केन्द्रका प्रशिक्षक नवराज पौडेल लगायतको सहभागिता रहेको थियोे ।