आदिवासी जनजाति महासंघ हेटौँडाद्वारा क्षेत्रीय प्रतिनिधिलाई प्रमाण पत्र वितरण

२८ पुस, हेटौँडा । नेपाली काँग्रेसको भातृसंस्था नेपाल लोकतन्त्रवादी आदिवासी जनजाति महासंघको प्रथम राष्ट्रिय महाधिवेशनका लागि निर्वाचित प्रतिनिधिहरुलाई प्रमाण पत्र वितरण सँगै बधाई ज्ञापन गरिएको छ ।
महासंघको हेटौँडा उपमहानगर समितिको आयोजनामा शुक्रबार नगरका विभिन्न १९ वटा वडाबाट निर्वाचित भएका क्षेत्रिय प्रतिनिधिहरुलाई प्रमाण–पत्र वतरण तथा बधाई ज्ञापन गरिएको हो ।
नेपाल लोकतन्त्रवादी आदिवासी जनजाती महासंघ हेटौँडा उपमहानगर समितिका अध्यक्ष हर्करत्न लामाको सभाध्यक्षतामा भएको कार्यक्रममा नेपाली कांग्रेस मकवनपुरका सभापति बुद्ध लामाको प्रमुख आतित्थ्यता रहेको थियो ।
कार्यक्रममा बोल्दै प्रमुख अतिथि सभापति लामाले नेपाली कांग्रेस मात्रै समावेशी खालको पार्टी भएकाले यसले सम्पूर्ण आदिवासी जनजातीहरुको मागलाई सम्बोधन गर्ने बताए । उनले नेपाली कांग्रेसलाई बलियो बनाउँनसके कांग्रेस सम्बद्ध संगठनहरु आफैमा मजबुत हुने दावी गरे ।
उनले जनजातीहरुले पनि आफ्नो धर्म संस्कृति परम्परा, भाष जोगाउँन काम गर्नुपर्ने बेला आएको बताए । यसकालागी राजनितिको माध्यमबाट नीति निर्माणमा महत्वपूर्ण भूमिका खेल्न सकिने भएकाले जिम्मेबारी पाएकाहरुले अवसरलाई सदुपयोग गर्नुपर्नेमा उनले जोड दिए ।
महासंघ नगर प्रतिनिधि शान्ति स्याङबोले सहजिकरण गरेको कार्यक्रममा विशिष्ठ अतिथी बागमती प्रदेश सदस्य लक्ष्मी श्रेष्ठ, नेपाली कांग्रेस बागमती प्रदेश सदस्य चम्फुरत्न लामा, जिल्ला सदस्य कालु घलान, नेपाली कांग्रेस संघिय सचिव कविन सांगमी, महासंघ जिल्ला अध्यक्ष पदम तितुङ, मकवानपुर क्षेत्रीय सभापति शुसान्त श्रेष्ठ, नेपाल ट्रेड युनियन कांग्रेस मकवानपुरका सभापति यम बहादुर श्रेष्ठ र महिला संघ सचिव निलम देवकोटा लगाएतले बोलेका थिए ।
कार्यक्रममा यहि पौष २१ गते हेटौँडा उपमहानगरपालिकाबाट महासंघमा निर्वाचित भएका प्रत्येक वडाका ७ जना गरी १९ वडाका १३३ जना क्षेत्रीय प्रतिनिधिहरुलाई प्रमाणपत्र वितरण गरिएको महासंघका नगर अध्यक्ष हर्करत्न लामाले जानकारी दिए ।