प्रेस चौतारी मकवानपुरको कार्यशाला गोष्ठी सम्पन्न, कार्यालय उदघाटन

६ माघ, हेटौंडा। प्रेस चौतारी नेपाल मकवानपुरको आयोजनामा शुक्रबारबाट सुरु भएको दुई दिने कार्यशाला गोष्ठीको समापन गरिएको छ भने चौतारी मकवानपुरको कार्यालयको उद्घाटन् पनि गरिएको छ ।

हेटौंडा-२ वनस्खण्डीमा शुक्रबारबाट सुरु भएको प्रेस चौतारी नेपाल मकवानपुरको आयोजनामा ‘प्रबिधिको विकास र डिजिटल पत्रकारिता’ को चुनौती र सम्भावना विषयक दुइ दिने कार्यशाला आज सम्पन्न भएको हो। 

नेकपा एमाले मकवानपुरका अध्यक्ष तथा बागमती प्रदेशका सदस्य एकालाल श्रेष्ठको प्रमुख आतिथ्यमा तथा चौतारी मकवानपुर अध्यक्ष बालकृष्ण अधिकारीको अध्यक्षतामा दुइदिनको कार्यशाला गोष्ठी सम्पन्न भएको हो। 

कार्यक्रममा प्रेस चौतारी नेपालका महासचिब हिरामान लामा, सचिब तथा बागमती प्रदेश इन्चार्ज बिष्णु तारुके,चौतारीका बागमती प्रदेशका महासचिब प्रकाश दाहाल, नेपाल पत्रकार महासंघ बागमती प्रदेशका उपाध्यक्ष रुपेश दुलाल, गैरसरकारी संस्था महासंघ बागमती प्रदेशका अध्यक्ष आरती पाठक लगायतले मन्तव्य व्यक्त गरेका थिए। कार्यक्रममा चौतारी केन्द्रीय सदस्य तथा मकवानपुर इन्चार्ज हरि हुमागाई, नेपाल पत्रकार महासंघ बागमती प्रदेशका महासचिब कृष्ण सारु मगर, पत्रकार महासंघ मकवानपुरका उपाध्यक्ष धुर्ब अधिकारी, प्रेस युनियन मकवानपुरका अध्यक्ष सुवास विडारी, सञ्चारीका समुह बागमती प्रदेशका अध्यक्ष सरिता दाहाल, प्रेस सेन्टर मकवानपुरका अध्यक्ष अन्जली थापा लगायतकाको आतिथ्यता रहेको थियो ।

त्यसैगरी शनिबारनै प्रेस चौतारी मकवानपुरको  कार्यालयको  उद्घाटन् गरिएको छ । हेटौंडा उपमहानगरपालिका वडा नम्बर–४ मा कार्यालयको  प्रेस चौतारी नेपालका महासचिब हिरामान लामाले उद्घाटन् गरेका हुन्।