सहिद सप्ताहमा भएको बक्तृत्वकलामा हेटौंडा १९ की सपना प्रथम

१४ माघ, हेटौंडा । सहिद र मदन भण्डारीका सपना साकार पार्नका लागि नवयुवाको भुमिका बिषयक बक्तृत्वकलामा हेटौंडा १९ कि  सपना बर्तौला प्रथम भएकी छन् । 
मदन भण्डारी फाउन्डेसन मकवानपुरको  ब्यबस्थापनमा सहिद स्मारक बिकास समितिले सहिद दिवसको अवसरमा शनिबार आयोजना गरेको सहिद सप्ताह कार्यक्रममा भएको बक्तृत्वकलामा बर्तौला प्रथम भएकी हुन् ।
यस्तै कार्यक्रममा  हेटौंडा ५ कि आकाङ्क्षा निरौला दोस्रो, हेटौंडा ४ की दर्सना सापकोटा तेस्रो भए । टौंडा  ९ की अभिप्सा पौडेल सान्त्वना भइन् । कार्यक्रमका सहभागीहरुलाई शनिबार नै प्रमाणपत्र बितरण गरीको थियो । 
प्रतियोगिताको विजेताहरुलले क्रमशः १० हजार, ७ हजार, ५ हजार र १ हजार नगद पुरस्कार पाउँने छन् उक्त नगद पुरस्कार १५ गते बितरण गरीने छ । बक्त्तृवकला प्रतियोगितामा १६ जनाले सहभागिता जनाएका थिए । प्रतियोगिताको निर्णयाकमा घनश्याम घिमिरे, भावना सपकोटा र अमृत बर्तौला रहनुभएको थियो ।
कार्यक्रममा बोल्दै बागमती प्रदेशका पूर्व–मुख्यमन्त्री तथा सहिद स्मारक बिकास समितिका अध्यक्ष डोरमणि पौडेलले सहिदका सपना साकार पार्न सबैको भुमिका अपरिहार्य रहने बताए । सहिद र जननेता मदन भण्डारीले देखाएको बाटोमा हिड्न जरुरी रहेको उनको भनाई थियो । राजनीति निषेध भन्दा पनि गलत नेतृत्वलाई निषेध गर्नुपर्ने पौडेलले बताए ।