सुनगाभा बोर्डिङको अभिभावक भेला सम्पन्न

१२ फागुन, हेटौंडा। हेटौंडा–६ चौघडामा रहेको सुनगाभा शिक्षा निकेतन ईङलिश बोडिङ स्कूलको २४ औं अभिभावक भेला  सम्पन्न भएको छ । 

विद्यालयका संस्थापक अध्यक्ष बासुदेव अधिकारीको प्रमुख आतिथ्यता एवम विद्यालय ब्यवस्थापन समिति अध्यक्ष रामहरि न्यौपानेको सभाध्यक्षतामा शनिबार २४ औ अभिभावक भेला भएको हो । विद्यालयले पत्रकार महासंघ मकवानपुरका अध्यक्ष मणीराज गौतम, पूर्व अध्यक्ष धुर्ब प्रसाद चौलागाई, हिमाल पौडेललाई सम्मान गरेको छ । त्यसैगरी २०७९ सालको एसईई परीक्षमा उत्कृष्ट अंक हासिल गर्ने सुविक्षा बानियाँ, स्वस्तिका दुलाल, २०७९ सालको उत्कृष्ट शिक्षक साजन दियालीलाई पनि सम्मान गरेको छ ।भेलामा उत्कृष्ट शिक्षक मनिता थापा, हिरा खत्री, लक्ष्मी चौलागाई र सुशिला लम्साल, कार्यालय सहयोगी सिता खड्का, तिल कुमारी घलान लगायतकालाई सम्मान गरिएको थियो ।

कार्यक्रममा हेटौडा ६ का वडा अध्यक्ष विष्णु बहादुर दाहाल, वडा सदस्य लेखराज ढकाल, सरिता सापकोटा, मुना विक.विद्यालयका प्रवन्ध सञ्चालक रामहरि चौलागाई, नेपाल पत्रकार महासंघ बागमती प्रदेशका उपाध्यक्ष रुपेश दुलाल, मकवानपुर अध्यक्ष मणीराज गौतम, विद्यालय सञ्चालक समितिका पदाधिकारी, अभिभावक, विद्यार्थी लगायतको सहभागिता थियो । कार्यक्रममा विद्यार्थीहरुले सांस्कृतिक तथा मनोरञ्जनात्मक कार्यक्रम प्रस्तुत गरेका थिए।