हेटौंडा ७ को संगालो टोल न्यौपानेको नेतृत्वमा

२८ फागुन, हेटौंडा। हेटौँडा–७,न्युरेनी चिसापानीमा रहेको संगालो टोल विकास संस्थाको अध्यक्षमा रोम बहादुर न्यौपाने चयन भएको छन । संस्थाको सोमबार भएको १६औँ वार्षिक साधारणसभाले न्यौपानेकौ अध्यक्षतामा १० सदस्यीय नयाँ कार्य समिति सर्वसम्मत चयन गरेको हो । 

समितिको उपाध्यक्षमा रेखा मैनाली,  सचिवमा बेद प्रसाद भट्टराई, सह सचिवमा रेखा पौडेल र  कोषाध्यक्षमा सुजित पोखरेल सर्वसम्मत चयन भएका छन । त्यसैगरी नयाँ कार्य समितिसदस्यहरुमा प्रभु भाष्कर थापा, जिव कुमारी गौतम, सौरभ अधिकारी,ओम प्रसाद पोखरेल,सृजना सोनाम परियार, विमला गौतम चयन भएका छन ।साधारणसभामा संस्थाका अध्यक्ष बेद प्रसाद भट्टराई संस्थागत प्रतिवेदन, कोषाध्यक्ष सुजित पोखरेलले आर्थीक प्रतिवेदन प्रस्तुत गरेका थिए । 

हेटौँडा वडानम्बर ७का वडाध्यक्ष दामोदर गौतमको प्रमुख आतिथ्यता एवम संस्थाका अध्यक्ष बेद प्रसाद भट्टराईको सभाध्यक्षतामा भेला भएको थियो । साधारणसभामा हेटौंडा ७ का वडा सदस्य श्याम सुन्दर परियार, हेटौडा उपमहानगरका सामाजिक विकास महाशाखा प्रमुख भिम तिमल्सिना, टोल विकास हेटौंडा नगर समन्वय समितिका अध्यक्ष धुव्र अधिकारी, टोल विकास समन्व्य समिति हेटौँडा ७ का अध्यक्ष युवराज गौतम, संगाालो टोलका आमा स अध्यक्ष दिलीप सुवेदी, आमा समुह अध्यक्ष कमला पोखरेल, लगायत हेटौँडा ७ मा रहेका विभिन्न टोल विकास संस्थाका प्रतिनिधिहरुको उपस्थिति रहेको थियो । कार्यक्रममा असल ऋणी, बचतकर्ता, जेष्ठ नागरिक र महिला स्वास्थ्य स्वयंसेविकालाई प्रशंसापत्रले सम्मान गरिएको थियो।