साहित्य संगम मकवानपुरद्वारा शनिवार ७ जना श्रष्टा सम्मानित

१० चैत, हेटौंडा । मकवानपुरको अग्रणी साहित्यीक संस्था साहित्य संगम मकवानपुरले शनिवार साहित्य क्षेत्रमा योगदान पु¥याएका ७ जना श्रष्टाहरुलाई सम्मान गरेको छ ।
संगमले मकवानपुर साहित्यश्री सम्मान २०८० बाट साहित्यकार इन्दजित शर्मा चौलागाईंलाई नगद १५ हजार ५ सय ५५ रुपैयाँसहित सम्मान गरेको छ । संगमका पूर्व उपाध्यक्ष समेत रहेका चौलागाईंलाई तत्कालीन जिल्ला विकास समिति, मकवानपुर र साहित्य संगम मकवानपुरले संयुक्त रुपमा स्थापना गरेको मकवानपुर साहित्यश्री सम्मानबाट सम्मानित गरिएको हो । 
यस्तै, १५ हजार ५ सय ५ रुपैयाँ राशीकै भेषनाथ अधिकारी स्मृति छन्द सम्मान २०८० बाट कवि कल्पना काफ्लेलाई सम्मानित गरिएको संगमका अध्यक्ष डीबी बर्तौलाले जानकारी दिए । उक्त पुरस्कार साहित्यकार विशाल अधिकारीले आफ्ना पिताको स्मृतीमा स्थापना गरेका हुन् ।
मंगलादेवी श्रेष्ठ स्मृति नारी सम्मानबाट साहित्यकार भावना सापकोटा, शुभद्रादेवी–मदन मुडवरी स्मृति सम्मान कवि तथा गजलकार विश्वनाथ सञ्जेल, रामहरि–देव सम्मानबाट किशन पौडेल, मुक्ति–तारा सम्मानबाट मकवानपुरका हाँस्यव्यंग्यकार सानुभाइ विश्वकर्मा सम्मानित भएका छन् । सम्मानित व्यक्तित्वहरुलाई पुरस्कार स्वरुप जनही १०÷१० हजार नगद राशिसमेत प्रदान गरिएको छ ।
यसैगरी विनोद–सुनिता सुवेदी साहित्य सम्मान ललितपुरका कवि तथा निबन्धकार श्रीराम पाण्डेलाई प्रदान गरिएको छ । कविता र निबन्ध क्षेत्रमा सक्रिय पाण्डेलाई नगद ११ हजार पुरस्कार राशिसहित सम्मान गरिएको छ । साहित्यकार पाण्डेले पुरस्कार स्वरुप प्राप्त गरेको नगद ११ हजार रुपैयाँ साहित्य संगम मकवानपुरको अक्षय कोषमा सहयोग सहयोग गरेको अध्यक्ष बर्तौलले जानकारी दिए ।
साहित्य संगम मकवानपुरका अध्यक्ष बर्तौलाको सभाध्यक्षता एवं वरिष्ठ समहित्यकार निर्मोही ब्यासको प्रमुख आतित्थ्यतामा भएको पुरस्कार वितरण तथा सम्मान समर्पण कार्यक्रममा सम्मानित स्रष्टाहरुले आफ्ना रचना वाचन समेत गरेका थिए ।