मकवानपुरमा होली:१३ सवारी होल्ड, ९ व्यक्ति नियन्त्रणमा

११ चैत, हेटौंडा।  होलीको दिन दुर्घटनाको जोखिमलाई ध्यान दिँदै मकवानपुर प्रहरीले सवारीसाधन जाँचलाई कडाइ गर्दै  भिडभाडमा अप्रिय घटना हुन नदिन ६२० प्रहरी परिचालन गरेको थियो ।
होलीका दिन ट्राफिक नियमन उल्लंघन गर्ने १३ वटा सवारीसाधनलाई दिनभर होल्ड गरेरे साँझ छोडेको छ भने होलीमा मादक पदार्थ सेवन गरी होहल्ला गर्ने ९ व्यक्तिलाई नियन्त्रणमा लिएको छ।

नियन्त्रणमा लिइएका सवारीसाधनमा अधिकाशं दुई पांग्रे दुवै रहेका छन्। हेल्मेट नलगाउने, मापदण्डभन्दा धेरै चढेर हिँड्ने, मादक पदार्थ सेवन गरी सवारी चलाउने र सवारी चालक अनुमती पत्र नलिई हिड्ने सवारी चालकलाई कारवाही गरिएको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिएका छन् ।नियन्त्रणमा लिइएका व्यक्तिलाई सम्झाई बुझाई गरेरे परिवारको जिम्मा लगाउने तयारी भइरहेको भण्डारीले बताएका छन्।
यो समाचार तयार पर्दा सम्म ठुला दुर्घटना र घटना नभएको जनाइएको छ। प्रहरीले हेटौंडा ५ क्याम्पा, चौघडा, बुद्धचोक, चौकिटोल, मनहरी, पालुङ, फापरवारी र रातोमाटेमा चेकपोस्ट खडा गरेरे चेकजाच गरेको थियो । यो कार्य राति पनि कायम रहेको डिएसपी भण्डारीले जानकारी दिएका छन्।