हक्कीमा आर्मी, सुदुरपश्चिम र मध्यमाञ्चल विजयी

१ माघ, हेटौँडा । नेपाल हक्कि संघको आयोजनामा सोमबारदेखि हेटौँडामा १७ औं राष्ट्रिय पुरुष तथा दोस्रो महिला हक्की प्रतियोगिता शुरु भएको छ । 
बन विज्ञान अध्ययन संस्थानको चौरमा आज भएको महिला हक्कीको पहिलो खेलमा नेपाल आर्मी विजयी भएको छ । साविक विजेता सुदरपश्चिम लाई १–० गोल अन्तरले पराजित गर्दै उपविजेता नेपाल आर्मीले विजयी शुरुवात गरेको छ । आर्मीको तर्फबाट सरिता मेचेले खेलको ४१ औं मिनेटमा गरेको गोल नै निर्णायक बन्यो । महिलाको दोस्र्रो खेलमा मध्यमाञ्चलले पूर्वाञ्चललाई १–० ले पराजित गरेको छ । मध्यमाञ्चलका लागि सिमा खड्काले निर्णायक गोल गरिन् ।
पुरुषतर्फ भएको पहिलो खेलमा साविक विजेता नेपाली आर्मीले पूर्वाञ्चललाई ८–० गोलको फराकिलो नतिजामा पराजित ग¥यो । आर्मीका लागि दिपसिं धामी ४, राम साहले ३ र सत्यनारायण चौधरीले १ गोल गरेका छन् । दोस्रो खेलमा सुदुरपश्चिमाञ्चलले मध्यमाञ्ललाई १–० ले पराजित गरेको छ । सुदुरपश्चिमका लागि सुरेशप्रसाद जाशीले गोल गरेका थिए ।
प्रतियोगिताको हेटौँडा उपमहानगरपालिकाकी उपप्रमुख मिना लामाले उद्घाटन गर्नुभएको थियो । नेपाल हक्कि संघका उपाध्यक्ष मनिष झाको अध्यक्षतामा भएको कार्यक्रममा जिल्ला खेलकुद विकास समितिका अध्यक्ष माधव तिमल्सिना तथा हक्की संघका सचिव रन्जन थापाले मन्तव्य राख्नु भएको थियो ।  माघ ६ गतेसम्म हुने प्रतियोगितामा पुरुषततर्फ ५ विकास क्षेत्र र नेपाली आर्मीको टिम गरी ६ टोली र महिलातर्फ ४ विकास क्षेत्रको टिम र नेपाल आर्मी गरी ५ टिमले प्रतिष्पर्धा गर्ने छन् ।