बागमती प्रदेश सरकार तेस्रो पटक विस्तार,एमालेका ४ सांसद मन्त्री

२० चैत, हेटौंडा। सत्ता गठबन्धन फेरिएसंगै बागमती प्रदेश सरकार फेरी तेस्रो पटक विस्तार भएको छ। नेकपा एमालेका ४ जना मन्त्री नियुक्त भएसँगै सालिकराम जम्म्कटेल नेतृत्व बागमती सरकार विस्तार भएको हो।

विस्तार भएसँगै बागमती प्रदेश सरकार १३ सदस्य पुगेको छ। थपिएका एमालेका ४ मन्त्रीमा केशव प्रसाद पोखरेल, रामेश्वर श्रेष्ठ, एकालाल श्रेष्ठ र प्रकाश श्रेष्ठ रहेका छन्। नवनियुक्त ४ मन्त्रीलाई क्रमश पोखरेललाई वन तथा वातावरण मन्त्रालय, रामेश्वर श्रेष्ठलाई स्वास्थ्य मन्त्रालय, एकालाललाई खानेपानी, उर्जा तथा सिचाई मन्त्रालय र प्रकाश श्रेष्ठलाई उद्योग, वाणिज्य तथा प्रशासन मन्त्रालयको जिम्मेवारी दिइएको छ। 

एकालाल श्रेष्ठ , रामेश्वर श्रेष्ठ र केशव प्रसाद पोखरेल यस अघि २०७९ मा सम्पन्न प्रदेशसभाको निर्वाचनपछि गठित जम्म्कटेल नेतृत्व सरकारमा मन्त्री भइसकेका हुन्। 

नवनियुक्त ४ मन्त्रीहरुले सपथ ग्रहण गरेका छन्। मंगलबार दिउँसो प्रदेश प्रमुखको कार्यालयमा आयोजित कार्यक्रम मार्फत उनलाई प्रदेश प्रमुख यादव चन्द्र शर्माले सपथ ग्रहण गराएका हुन्। सपथ ग्रहण कार्यक्रममा सभामुख भुवनकुमार पाठक, मुख्यमन्त्री सालिकराम जम्म्कटेल लगायत अन्य मन्त्रीहरुको उपस्थिति रहेको थियो। यस अघि बिहीबार हामी नेपाली पार्टीका संसदीय दलका नेता शैलेन्द्रमान बज्राचार्य जम्कट्टेल नेतृत्व सरकारको संस्कृति, पर्यटन तथा सहकारी मन्त्री नियुक्त भएका थिए भने चैत १९ गते सोमबार नेकपा एसकी सांसद रमा आले मगर विना विभागीय मन्त्री नियुक्त भएकी थिइन्।

यस्तो छ नवनियुक्त मन्त्रीहरुको कार्य विभाजन