नेपाल ’ए’ टोलीमाथि आयरल्यान्ड ’ए’ को ’क्लिन स्वीप’

२५ चैत, हेटौंडा । नेपाल ’ए’ टोलीसँगको तीन खेलको एकदिवसीय क्रिकेट शृङ्खला आयरल्यान्ड ’ए’ ले ’क्लिन स्वीप’ गरेको छ । कीर्तिपुरको त्रिवि क्रिकेट मैदानमा आइतबार भएको तेस्रो तथा अन्तिम खेलमा नेपाल ’ए’ लाई ६९ रनले हराउँदै आयरल्यान्ड ’ए’ ले शृङ्खला ’क्लिन स्वीप’ गरेको हो ।
आयरल्यान्ड ’ए’ ले दिएको २ सय ८५ रनको लक्ष्य पछ्याएको नेपाल ’ए’ ३९ ओभर ४ बलमा २ सय १५ रन बनाउँदा अल आउट भयो । नेपाल ’ए’ का अर्जुन कुमालले १०२ बनाए पनि जितका लागि पर्याप्त हुुन सकेन । यस्तै नेपालको लागी अर्जुन साउदले ३६ रन बनाउदा नेपालले ’ए’ ले अतिरिक्त २२ रन पाएको थियो । बलिङतर्फ आयरल्यान्ड ’ए’ का बेन ह्वाइटले ५ र गभिन होवेले ४ विकेट लिए । 
यसअघि टस जितेर ब्याटिङ गरेको आयरल्यान्ड ’ए’ ले ५० ओभरमा ९ विकेट गुमाएर २ सय ८४ रन बनायो । आयरल्यान्ड ’ए’ का स्टेफेन डोहेनीले १०७, पिटर मूरले ४४ रन बनाए । बलिङतर्फ नेपाल ’ए’ का रञ्जित कुमार र रिजन ढकालले समान ३÷३ विकेट लिए । 
एकदिवसीय क्रिकेट शृङ्खलामा आयरल्यान्ड ’ए’ ले पहिलो खेल २१ रन र दोस्रो खेल १ सय १४ रनले जितेको थियो । यसअघि नेपाल ’ए’ टोलीसँगको तीन खेलको टी–२० क्रिकेट शृङ्खला आयरल्यान्ड ’ए’ ले २–१ ले जितेको थियो ।