हेटौंडा १७ को रानीखोला राजदेवी खानेपानी बोर्डको स्वामित्वमा

२ जेठ, हेटौडा । हेटौडा–१७ मा रहेको रानी खोला राजदेवी खानेपानी तथा सरसफाइ उपभोक्ता समिति बुधवारबाट हेटौडा खानेपानी ब्यवस्थापन बोर्डलाई हस्तान्तरण गरिएको छ ।

हेटौडा उपमहानगरपालिका प्रमुख मीना कुमारी लामाको उपस्थितिमा उक्त खानेपानी उपभोक्ता समिति बोर्डलाई स्वामित्वमा पुगेको हो।  हेटौडा–१७ का वडा अध्यक्ष उद्धव सत्याल हेटौडा खानेपानी ब्यवस्थापन बोर्डका अध्यक्ष प्रताप विष्ट, रानी खोला राजदेवी खानेपानी उपभोक्ता समितिका अध्यक्ष नवराज न्यौपानेले बोर्डमा जाने सम्झौतापत्रमा हस्ताक्षर गरेका थिए। कार्यक्रममा हेटौडा उपमहामनगरपालिका उपमेयर राजेश बानियाँ, हेटौडा–१७ की वडा सदस्य लेखकुमारी तिमल्सिना, बोर्डका प्रमुख विष्णुप्रसाद सापकोटा, सञ्चालक सदस्य ईन्द्र नेपाल, कृष्ण धिताल, चुच्चेखोला सामुदायिक वनका अध्यक्ष लक्ष्मण कटुवाल, जोरधारा खानेपानी तथा सरसफाई उपभोक्ता समितीका अध्यक्ष भीमप्रसाद अधिकारी, स्थानीय लगायतको उपस्थिति रहेको थियो ।

कार्यक्रममा खानेपानी उपभोक्ता समितिलाई सहयोग गर्ने ६ जनालाई नगद सहित सम्मानित गरिएको थियो। कार्यक्रममा कृष्ण प्रसाद नेपाल, माधवलाल श्रेष्ठ, रण बहादुर श्रेष्ठ, अर्जुन कुमार घिमिरे, कृष्ण प्रसाद पराजुली र ध्रुवप्रसाद न्यौपानेलाई सम्मानित गरिएको थियो। बोर्डलाई हस्तान्तरण गरिएको उपभोक्ता समितिमा २ सय ७९ घरधुरी रहेका छन ।