मकवानपुर प्रहरीको अपरेसन:चोरी भएको मोटरसाइकल सहित ६ जना पक्राउ

चोरीको मोटरसाइकल सहित पक्राउ परेका ५ जना

६ जेठ, हेटौंडा। मकवानपुर प्रहरीले चोरीको मोटरसाइकल सहित मोटरसाइकल चोरी गर्ने ६ जनालाई पक्राउ गरेको छ।मकवानपुरमा मोटरसाइकल चोरीको घटना बढी रहदा जिल्लाको विभित्र स्थानबाट चोरी भएको ५ वटा मोटरसाइकल सहित ६ जनालाई पक्राउ गर्न सफल भएको हो। 

जिल्ला प्रहरी कार्यालय मकवानपुर र मातहतका कार्यालयहरुको संयुक्त अपरेसनमा चोरी गरिएका ५ वटा मोटरसाईकल सहित ६ जनालाई पक्राउ गरिएको मकवानपुरका प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिएका छन् ।

मकवानपुर प्रहरीले विभिन्न मितिमा  मोटरसाइकलहरु चोरी भएको भन्ने सवारीधनिले दिएको उजुरीका आधारमा खोजतला गर्दा हराएका ५ थान मोटरसाइकल सहित ६ लाई पक्राउ गरी आइतबार सार्वजनिक गरेकाे हाे ।

मोटरसाइकल चोरीमा पक्राउ पर्नेमा हेटौँडा उपमहानगरपालिका(१५ का २० वर्षीय मिलन पाख्रिन, हेटौँडा उपमहानगरपालिका-१६ का ३० वर्षीय रत्नबहादुर गोले, हेटौँडा-८ का १९ वर्षीय संजीव भोलन, बकैया गाउँपालिका-८ का ३३ वर्षीय रमेश लोप्चन, ईन्द्रसरोवर गाउँपालिका-५ का सुवास बोम्जन, हेटौँडा उपमहानगरपालिका-१९ का अशोक स्याङ्तान रहेका छन् ।

पक्राउ परेका ६ जनालाई चोरी मुद्धामा मकवानपुर जिल्ला अदालत हेटौँडाबाट ८ दिनको म्याद थप गरी अनुसन्धान कार्य भइरहेको डिएसपी भण्डारीले जानकारी दिएका छन्। यता मकवानपुर प्रहरी प्रमुख एसपी सिताराम रिजालले यो अपरोसनले निरन्तरता पाउने जनाएका छन्।