पत्रकार महासंघ बागमती प्रदेशको तेस्रो अधिवेशन सम्पन्न

७ जेठ, नुवाकोट । नेपाल पत्रकार महासंघ बागमती प्रदेशको चौथो बार्षिक साधारण सभा तथा तेस्रो अधिवेशन सम्पन्न भएको छ । सोमबार नुवाकोटको विदुरमा महासंघ बागमती प्रदेशको चौथो बार्षिक साधारण सभा तथा तेस्रो अधिवेशन सम्पन्न भएको हो ।
नेपाल पत्रकार महासंघ बागमती प्रदेश अध्यक्ष शिव देवकोटाको सभाध्यक्षता तथा नेपाल पत्रकार महासंघका वरिष्ठ उपाध्यक्ष रमेश विष्टको प्रमुख आतिथ्यतामा भएको अधिवेशनबाट महासचिव कृष्ण सारू मगरद्वारा प्रस्तुत सांगठनिक प्रतिवेदन र कोषाध्यक्ष रमेश ढुंगेलद्वारा प्रस्तुत आर्थिक प्रतिवेदन पारित भएको छ । कार्यक्रममा उत्कृष्ट शाखाको रूपमा नेपाल पत्रकार महासंघ चितवन र सिन्धुपाल्चोक शाखा सम्मानित भएका छन् ।
कार्यक्रममा नेपाल पत्रकार महासंघका उपाध्यक्ष बाला अधिकारी, सचिव सिर्जना अर्याल, केन्द्रीय सदस्य ध्रुव रावल, सुनिल खड्का, पत्रकार महासंघ बागमती प्रदेशका संस्थापक अध्यक्ष प्रताप बिष्ट, पत्रकारका विभिन्न संगठनका प्रमुख एवं प्रतिनिधि, विदुर नगरपालिकाकी उप-प्रमुख प्रभा बोगटी, नुवाकोटका प्रजिअ रामकृष्ण अधिकारी लगायतकाले मन्तब्य ब्यक्त गरेका थिए ।
साधारणसभाले १२ बुँदे नुवाकोट घोषणापत्र समेत जारी गरेको छ ।