जुरीखेत कार दुर्घटना:मृतकको संख्या ३ पुग्यो(अपडेट)

१६ जेठ, हेटौंडा। भैसे हुदै काठमाडौँ जोड्ने बैकल्पिक मार्गको रुपमा रहेको भिमफेदी- कुलेखानी सडकमा बुधबार अपरान्ह भएको कार दुर्घटनामा ज्यान गुमाउनेको संख्या तीन पुगेको छ। 

बुधबार अपरान्ह भीमफेदी ६ जुरीखेत  काठमाण्डौबाट हेटौडा तर्फ आउदै गरेको बा ६ च ९३७९ नम्बरको कार आफै अनियन्त्रित भई सडकबाट अन्दाजी २५० मिटर तल खोल्सामा ५ जना घाइते भएका थिए। घाइते ५ मध्ये एक शिशु र एक पुरुषको उपचारको क्रममा हेटौंडामा ज्यान गएको थियो भने थप एक जना पुरूषको उपचारको क्रममा ज्यान गएको जनाइएको छ। 

मकवानपुरका प्रहरी प्रवक्ता प्रहरी नायब उपरीक्षक लक्ष्मी भण्डारीका अनुसार दुर्घटना ज्यान गुमाउनेमा३/४ महिनाकी शिशु दुइ पुरुष रहेका छन्। जसमध्ये मृतक १ जना पुरुष मकवानपुरको मनहरी ८ का २६ वर्षीय अर्जुन नेपाली रहेको र शिशु उनकै छोरी रहेको जनाइएको छ। 

अन्य घाइते २ महिलाको  हेटौडा १ स्थित मकवानपुर सहकारी अस्पतालमा उपचार भइरहेको जनाइएको छ। घाईते र मृतको १ जनाको  पहिचान र सनाखत हुन नसकेको प्रहरीले जनाएको छ । घाइते मध्ये एक महिला सुत्केरी रहेको बुझिएको छ। घटनास्थलबाट इलाका प्रहरी कार्यालय भिमफेदीको टोलीले घाईतेको उद्धारगरी उपचारका लागि हेटौंडा पठाएको थियो।