एमाले मकवानपुरको अध्यक्षका लागि ५ जनाको उम्मेदवारी

२० जेठ, हेटौंडा। नेकपा एमाले मकवानपुरको अध्यक्ष पदका लागि ५ जनाको उम्मेदवारी परेको छ ।

शुक्रबारबाट सुरु भएको एमाले मकवानपुरको १२ औं जिल्ला अधिवेशनबाट नयाँ नेतृत्व चयनका लागि अध्यक्ष पदमा उक्त उम्मेदवारी परेको हो।शनिबार साँझ एमाले जिल्ला निर्वाचन कमिटीले जारी गरेको उम्मेदवारको प्रारम्भिक नामावली अनुसार ५ जनाले अध्यक्ष पदमा उम्मेदवारी परेको हो।अध्यक्ष पदका लागि श्रीधर पोखरेल, लालबहादुर थापा, देवराज रिमाल, इन्द्रमान स्याङतान र रघुनाथ खुलालले उम्मेदवारी परेको हो।

त्यसैगरी उपाध्यक्ष पदका लागि धुर्वप्रसाद चौलागाईं, भरत दुलाल, हिदम लामा, सुनिल मोक्तानले उम्मेदवारी दिएका छन् । सचिवमा सुमित्रा काफ्ले, नरहरी महत, राजन थापा, मदन कुमार दहाल र सिता बिष्टले उम्मेदवारी दिएका छन् ।

त्यसैगरी उपसचिव खुल्ला पदमा इन्द्र नेपाल, कृष्णप्रसाद चौलागाईं, दिपक खड्का, फुर्वादोर्जे लामा, खेमराज जर्गा मगर र उपसचीव महिला पदमा कल्पाना बलामी, जुना दहाल, आरती पाठक , पार्वती रानाले उम्मेदवारी दिएका छन् । नेतृत्वका धरै पदमा उम्मेदवारी परेकोले आइतबार बिहानबाट मतदान कार्य सुरु हुने प्रमुख निर्वाचन अधिकृत अर्जुन अर्यालले जानकारी दिएका छन्। 

अधिवेशनले पदाधिकारी सहित १ सय ५ सदस्य नयाँ नेतृत्व चयन गर्ने छ । मतदान प्रक्रियामा मकवानपुर जिल्लाका ११ हजार ६ सय ८४ जना   प्रतिनिधि चयन भएका छन्।