लघुकथा उत्सवमा स्रष्टा सम्मान तथा बहस कार्यक्रम सम्पन्न

२० जेठ, हेटौंडा । बागमती प्रदेशको राजधानी हेटौंडामा साहित्य संगम मकवानपुरको आयोजनामा शनिबार लघुकथा उत्सव कार्यक्रम सम्पन्न भएको छ । कार्यक्रममा कार्यक्रममा दुईजनालाई स्रष्टा सम्मान, लघुकथाका बिषयमा बहस र छलफल तथा १५ जना लघुकथाकारहरुले आफ्नो लघुकथा वाचन गरेको थिए ।
यस्तै कार्यक्रमको अवसरमा पारेर गोपालप्रसाद रिमाल स्मृति साहित्य सम्मानबाट शार्दुल भट्टराई र साहित्य संगम मकवानपुर कृति सम्मानबाट डा. दामोदर पुडासैनीलाई पुरस्कृत एवं सम्माति गरिएको संगम मकवानपुरका अध्यक्ष डीवी बतौलाले जानकारी दिए । पुरस्कृत एवं सम्मानित व्यक्तित्वहरुलाई कार्यक्रमका प्रमुख अतिथि हेटौंडा उपमहानगरपालिकाका उममेयर राजेश बानियँले नगद तथा सम्मान पत्रप्रदान गरेका थिए ।
कार्यक्रममा साहित्य संगम मकवानपुरका सल्लाहकार सुवास खनालले सम्मानित व्यक्तित्वहरुको बारेमा संक्षिप्त चर्चा गरेका थिए । यस्तै कार्यक्रमका प्रमुख अतिथि उपप्रमुख बानियाँले हेटौँडमा रहेका साहित्यक संस्थाहरुले नेपाल साहित्यमा महत्वपूर्ण योगदान गरिरहेकाले मिलेर काम गर्न चाहेको बताए । उनले साहित्यक संघ संस्थाहरुले साहित्यको माध्यमबाट पछिल्लो समय विग्रदै गएको समाज सुधारका लागी प्रयास गर्नुपर्नेमा जोड दिए ।
कार्यक्रममा लघुकथा चौतारी मकवानपुरका अध्यक्ष किशन पौडेलले लघुकथा लेखनमा महोत्सवले थप सहयोग पुग्ने विश्वास व्यक्त गरे । यसैगरी साहित्य संगम मकवानपुरका सल्लाहकार तुल्सी घिमिरेले मकवानपुरमा साहित्य क्षेत्र चलायमान हुँदै अगाडि बढ्दै गइरहेकोमा खुशि व्यक्त गरे ।