अनेरास्ववियुको जिल्ला सम्मेलन फागुनमा

१२ माघ,हेटौँड।नेकपा एमाले निटक विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) मकवानपुरको जिल्ला सम्मेलन आउँदो फागुन १५ र १६ गते हेटौँडामा हुने भएको छ । अनेरास्ववियुले शुक्रबार  हेटौँडामा पत्रकार सम्मेलनको आयोजना गरि संगठनको  २७ औँ जिल्ला सम्मेलन फागुन १५ र १६ गते हुने जानकारी गराएको हो  ।

फागुन १० गतेसम्म जिल्लाभरका सबै प्रतिनिधिहरुको टुंगो लागीसक्ने र । संगठनको निर्णय प्रक्रियालाई थप सहज बनाउनको लागि १० सदस्यीय सचिवालय समेत निर्माण गरिएको  प्रचार   प्रसार  संयोजक गिरीजा अधिकारीले  बताए ।

संगठनको माघ ८ गते जिल्ला सम्मेलन आयोजक कमिटिका संयोजक घिसिङको अध्यक्षता बसेको बैठकले सम्मेलन सफल बनाउनका लागि गिरिजा अधिकारी, अमृत बर्तौला, शुभराज भोम्जन, आकाश अधिकारी, शिशिर पराजुली, बिना देवकोटा, रुपा बिडारी, प्रमोद फुयाँल, आशिष अस्लामी र उज्ज्वल बर्तौलालाई सचिवालय सदस्यमा मनोनित गरिएको जनाइएको छ । त्यस्तै प्रतिनिधि तथा प्रतिवेदन लेखनमा संयोजक घिसिङ, कुमार केसी र अरुण वर्तौला सदस्य रहने गरि उप–समिति बनाइएको थियो ।

त्यस्तै आर्थिक विभागतर्फ कुमार रुम्बाको संयोजकत्वमा कृष्ण घिमिरे, अमृत बर्तौला, आकाश अधिकारी, रुपा बिडारी र सुजन तिमल्सिनालाई चयन गरिएको छ भने प्रचारप्रसारतर्फ गिरिजा अधिकारीलाई संयोजक तोकिएको छ । त्यस्तै हल मञ्च तथा स्वयम सेवकमा कृष्ण घिमिरे संयोजक रहने गरि शिशिर पराजुली र उज्ज्वल बर्तौलालाई सदस्य तोकी जिम्मेवारी दिइएको छ । खाना तथा आवासमा रुपा बिडारी संयोजक रहने गरि शुभराज भोम्जन र आशिष अस्लामीलाई जिम्मेवारी दिइएको छ । कार्यालय विभागमा भोम्जन संयोजक रहने गरि जय न्यौपानेलाई जिम्मेवारी दिइएको छ ।