धनुषा र पाँचथरमा दुर्घटना  ८ को मृत्यु 

१३ माघ, हेटौँडा । काठमाडौंबाट झापा जाँदै गरेको सुमो धनुषाको गणेशमान चारनाथ–८ मा शनिबार बिहान  दुर्घटना हुदा ६ जनाको  मृत्यु भएको छ भने पाँच जनाको सकुसल उद्धार गरिएको छ । 
जिल्ला प्रहरी कार्यालय धनुषाले बताए  अनुसार बा ९ च ३३१४ नम्बरको सुमो शनिबार बिहान धनुषाको गणेशमान चारनाथ स्थित अनियन्त्रित भई  पोखरीमा खस्दा ६ जनाको  घटनास्थलमै मृत्यु भएको हो ।  मृत्यु हुनेमा  पाँचथरकी प्रनिता राई, विराटनगर –४ की शारदा रेग्मी दाहाल,  संखुवासभा ९ नयाँटोलका नवराज गिरी, मोरङ लेटाङ ८ का खेम रानामगर र जाते ५ का प्रल्हाद न्यौपाने र खोटाङ निरपानेडाँडाका याम बहादुर चौहान  रहेका छन  भने घाईतेको विवरण खुल्न बाकि रहेको र घाईतेहरुको स्थानिय अस्पतालमा उपचार भईरहेको प्रहरीले जनाएको छ । 

त्यसैगरी पाँचथरको याङवरक गाउँपालिका वडा नम्बर ३ ओयामको भन्ज्याङमा ओयाम बाट फिदिम तर्फ आउँदै गरेको ग १ ज ६०८५ नम्बरको जिप  दुर्घटना हुदा दुई जनाको घटनास्थलमै मृत्यु भएको छ भने  आधा दर्जन यात्री घाइते भएका छन ।  मृत्यु हुनेमा सवारी चालक स्थानिय १८ वर्षीय प्रवेश योङया र १६ वर्षीय सन्दिप योङया रहेका छन् । 
घाइते हुनेहरुमा याङवरक ३ वस्ने भिम योङया, प्रकाश योङया, प्रदिप राई, लक्ष्मण राई, मनोज गुरुङ र इशाक योङया रहेका छन् । उनीहरुको जिल्ला अस्पताल पाँचथरमा उपचार सम्भव नभएपछि झापाको विर्तामोड तर्फ पठाइएको जिल्ला प्रहरी कार्यालय पाँचथरका प्रहरी नायव उपरिक्षक बामदेव गौतमले जानकारी दिए ।