हेटौंडा ७ मा विपन्न र एकल महिलालाई जनै बनाउने तालिम

२ असार, हेटौंडा। हेटौंडा उपमहानगरपालिका वडा नम्बर ७ का एकल तथा विपन्न महिलाले जनै बनाउने तालिम प्रदान गरिएको छ। 

हेटौंडा वडा नम्बर ७को आर्थिक सहयोगमा पहिलो पाइला नामक संस्थाको सहकार्यमा हेटौंडा ७, नागस्वतीमा एकल तथा विपन्न महिलाले जनै बनाउने तालिम दिइएको हो। एक हप्तासम्म सञ्चालित तालिमको शनिबार समापन गरिएको हो।  एक हप्तासम्म तालिममा सिकेको शीपलाई व्यवहारमा उतार्दै आगामी दिनमा जनै बनाउन सक्रिय रहने तालिमका सहभागीहरुको भनाई छ ।

यता कार्यक्रम संयोजक शर्मीला खनालले बेरोजगारी रहनु भन्दा सिप सिक्दा स्वरोजगार हुन सहयोग पुग्ने र तालिममा बनाइएको जनै स्थानीय तथा आवश्यकता अनसार बाहिर पनि विक्री वितरणका लागि पठाइने बताइन्। पहिलो पाइलाका अध्यक्ष शोभा खतिवडाको अध्यक्षता भएको कार्यक्रममा हेटौंडा उपमहानगरपालिका वडा नम्बर ७ का अध्यक्ष दामोदर गौतमको प्रमुख आतिथ्यतामा रहेको थियो।

कार्यक्रममा बोल्दै प्रमुख अतिथि वडाध्यक्ष गौतमले हिन्दु धर्माबलम्बीले लगाउने जनै बाहिरबाट आयात गर्नुपर्ने अवस्थामा स्थानीय महिलालाई तालिम प्रदान गर्दै जनैको आवश्यकता परिपूर्ति गराउँन तथा वडाका एकल तथा विपन्न महिलालाई स्वरोजगार बनाउन सहयोग पुग्ने बताएका छन्। जनै बनाउने तालिमको  रुपा तिमल्सिना र बेली दुलालले प्रशिक्षण दिएका थिए।जेठ २७ गतेबाट  सुरु भएको तालिम  शनिबार सम्पन्न भएको र तालिममा वडाका २५ जना महिलाले  सहभागिता जनाएको तालिम संयोजक शर्मिला खनालले बताइन्।