निर्वाचन आचार संहिताका कारण सरकारले जनहितमा काम गर्न सकेनः प्रधानमन्त्री 

१३ माघ, हेटौँडा । प्रधानमन्त्री शेरबहादुर देउवाले आफ्नो नेतृत्वको सरकारले जनहितमा काम गर्न नपाएको गुनासो गरेका छन् । वीपी स्मृति सामुदायिक सहकारी अस्पतालको दशौं बार्षिक साधारणसभाका अवसरमा काठमाडौँमा भएको कार्यक्रममा बोल्दै प्रधानमन्त्री देउवाले आफुले मुलुकका लागि धेरै गर्न चाहे पनि गर्न नसकेको बताएका हुन् । 
निर्वाचन आचार संहिताका कारण पहिला केही काम गर्न नसकेको भन्दै सरकारले गरेका महत्वपुर्ण र दीर्घकालिन महत्व राख्ने निर्णयमा अनावस्यक आलोचना र टिप्पणी भएको भन्दै उनले आक्रोश व्यक्त गरे । 
भुकम्प प्रभावितलाई थप एक लाख रुपैया अनुदान सहायता दिने, जेष्ठ नागरिकले पाउने सामाजिक सुरक्षा भत्तालाई ६५ बर्ष कायम गर्ने लगायत सरकारका निर्णयले राज्य कोष रित्त्याउने काम गरेको भन्दै एमाले, माओवादी केन्द्र लगायत दलले विरोध गर्दे आईरहेका बेला प्रधानमन्त्रीले अर्नगल प्रचारबाजीका कारण गर्न काम गर्न नपाएको भन्दै रोष प्रकट गरेको हुन् ।
फरक प्रसङ्गमा, प्रधानमन्त्री देउवाले आफ्ना कारणले नभई संविधानका कारण सत्ता हस्तान्तरणमा ढिलाई भएको स्पष्ट पारे । संविधानले व्यवस्था गरेको महिलाको सिट लगायत विषयले सत्ता हस्तान्तरणमा केही समय लागेको उनको भनाई थियो । एमाले, माओवादी केन्द्र लगायतले नयाँ जनादेश आईसक्दा पनि सत्ता हस्तान्तरणमा ढिलाई गरेको भन्दै सरकारको चर्को आलोचना गर्दै आएका छन् ।