हेटौंडा ६ मा हाजिरीजबाफ निस्वार्थ आमा समूह प्रथम

१० असार हेटाैडा। हेटाैडा वडा नम्बर ६ काे आयाेजना र हेटाैडा हेल्थपाेष्ट चाैघडाकाे समन्वयमा हाजिरीजवाफ प्रतियोगिताको आयोजना गरि़एको छ। आयोजना गरिएको प्रतियोगितामा  निस्वार्थ आमा समूह प्रथम भएकाे छ भने बंशगाेपाल आमा समूह द्वितीय प्रगतिशिल आमा समूह तृतीय  र अग्रसर आमा समूहले सान्त्वना पुरस्कार  प्राप्त गरेका छन् । प्रतियाेगितामा प्रथम हुनेले नगद ३ हजार ५ सय  द्वितीय  हुनेले ३ हजार तृतीय  हुनेले २ हजार ५ सय र सान्त्वना  हुनेले नगद २ हजार प्राप्त गरेका थिए ।महिलाहरुलाई स्वास्थ्य  सम्वन्धि जानकारी गराउने उद्वेश्यले हाजिरीजवाफ प्रतियाेगिताकाे आयाेजना गरिएकाे स्वास्थ्य  चाैकी चा‌घडाका ईन्चार्ज टीएन ढुङगेलले बताए ।हेटाैडा उपमहानगरपालिका उपमेयर राजेश बानियाँकाे प्रमुख आतिथ्यता एवम हेटाैडा ६ का वडा अध्यक्ष  विष्णु बहादुर दाहालकाे सभाध्यक्षतामा कार्यक्रम भएकाे हाे ।

कार्यक्रममा  हटाैडा ६ का वडा सदस्य विजय पाैडेल, लेखराज ढकाल, सरिता सापकोटा, मुना विक, वडा सचिव आमाेद प्रसाद मैनाली,  जन स्वास्थ्य  शाखा प्रमुख सूर्य प्रसाद तिवारी, बंशगाेपाल माविका अध्यक्ष  कृष्णप्रसाद  दाहाल, बाल सहजकर्ता  रुजा सुवेदी,जनकल्याण  सहकारी सञ्चालक सदस्य रेखा मैनाली, समाजसेवी कृष्णप्रसाद सञ्जेल, एमालेका ईन्द्र प्रसाद खतिवडा,बाल सञ्जाल समूह अध्यक्ष  जीव कुमारी  पाैडेल,  सञ्चारकर्मी  भीमसेन पाैडेल लगायतकाे सहभागिता थियाे ।