सक्रिय महिला उद्योगद्वारा दालमोठ र चिप्स उत्पादन शुरू

११ असार, हेटौंडा । हेटौंडा-६ मा रहेको सक्रिय महिला उद्योगले दालमोठ र चिप्स उत्पादन शुरू गरेको छ । १० महिलाहरू संलग्न उद्योगले चौघडामा पत्रकार सम्मेलन गरि उत्पादन शुरू गरेको जानकारी दिएको हो ।
खाद्य, प्रविधि तथा गुण नियन्त्रण कार्यालय हेटौंडाबाट अनुज्ञापत्र प्राप्त गरेसंगै व्यवसायिक ढंगले उत्पादन बजार पठाउने काम अघि बढेको पत्रकार सम्मेलनमा उद्योगकी अध्यक्ष अनुराधा उप्रेतीले जानकारी दिईन् । उनले उद्योगले पहिलो चरणमा दालमोठ र आलुको चिप्स उत्पादन गरिरहेको बताइन् । बजारबाट अहिले राम्रो प्रतिक्रिया पाएकाले बिस्तारै उत्पादनको विविधिकरणलाई समेत अघि बढाउने उनले बताइन् । महिलाहरूलाई व्यवसायिक रूपमा अघि बढ्न हेटौंडा उपमहानगरपालिकाबाट एक लाख रूपैयाँ सहयोग भएको जानकारी दिइएको थियो ।
पत्रकार सम्मेलनमा उपमहानगरपालिकाका उद्योग, सहकारी तथा रोजगार शाखाका प्रमुख हिम पौडेलले उपमहानगरले नगरमा औद्योगिक प्रोत्साहनमा गरेका क्रियाकलापहरूबारे जानकारी दिएका थिए ।
कार्यक्रममा हेटौंडा-६ का अध्यक्ष विष्णुबहादुर दाहाल, वडा सदस्य बिजय पौडेल र लेखराज ढकालसहित महिला उद्यमी, सामाजिक व्यक्तित्व लगायतको उपस्थिति रहेको थियोे ।
बजारको माग अनुसार व्यवसायिक योजना बनाइ स्थानीय सरकारसंगक‍ो समन्वयमा महिलाहरूलाई आत्मनिर्भर बनाउन उद्योगले टेवा पुर्याउने लक्ष्य राखेको उद्योगकी कोषाध्यक्ष रूपा सापकोटाले बताइन् ।